Paglipat sa kanilang bagong tahanan, bininyagan agad ni Jaime De Guzman, a.k.a Dudut Lang, ang kusina sa Congpound.
Tampok ngayon sa Dudut’s Kitchen ang masarap na recipe ng Beef Salpicao at Creamy Beef Mushroom. Pero hindi lang basta-bastang cooking show ang hatid nito dahil bida sa bagong episode ng Dudut’s Kitchen ang kanyang special guest na si Junnie Boy.
Dahil bagong lipat sa Congpound ang Team Payaman, naisipan ni Dudut Lang na ipagluto ng masarap na putahe ang kanyang mga kasama.
Ayon nga sa tagline ng kanyang cooking show: “I love cooking and I love my friends. Put them together, I love cooking for my friends.”
Dahil hindi sanay sa pagluluto ang kanyang special guest, siniguro ni Dudut na aalalayan niya si Junnie Boy.
“Dito sa Dudut’s Kitchen, ito yung kusinang walang manghuhusga sayo,” ani Dudut.
Inumpisahan ng dalawa ang pagluluto ng Beef Salpicao at Creamy Beef Mushroom sa pagbabad ng mga karne.
Para sa Beef Salpicao, binabad nila ang karne sa oyster sauce, worcestershire sauce, at saka dinagdagan ng bawang.
Pinaghalong bawang, oyster sauce, soy sauce, worcestershire sauce, at calamansi naman para sa Creamy Beef Mushroom recipe.
Kasunod na pinrito ni Junnie Boy ang mga bawang na gagamitin nilang toppings ng Beef Salpicao. Habang nagluluto, nagbigay pa ng nakakatuwang trivia si Junnie tungkol sa bawang.
“Alam niyo ba guys na ang bawang kaya siya tinawag na bawang kasi ang nagtanim nito, ang unang-unang nakakita ng buto nito ay si Ang,” biro ni Junnie.
“Tapos kung paano niya tinatanim ‘to para siyang siyang nagba-bow. Kaya siya napangalanang bow-ang, bawang,” dagdag pa nito.
Nagbalik tanaw din ang mga ito sa dati nilang tahanan sa Payamansion 2 at nagbigay ng mensahe sa nasabing bahay.
“Salamat kay Payamansion 2 kasi doon ako nakabuo ng second baby. Ibig sabihin malaking bagay ang blessing ng bahay na yon kasi nagbibigay siya ng buhay,” ani Junnie Boy.
Agad namang pinatikim nina Dudut Lang at Junnie Boy ang mga nilutong putahe sa kanilang mga kasama sa bahay. Unang humusga ay ang misis ni Junnie na si Vien Iligan-Velasquez.
Ang hatol ni Vien: “Guys ang sarap ng luto ni Dudut, sobra!”
Dinala rin nila ang Beef Salpicao at Creamy Beef Mushroom sa tahanan nina Cong at Viy kung saan naghihintay ang iba pang bisita gaya nina Papa Shoutout at Mama Revlon.
Watch the full vlog below:
Isang nakakatuwang balita ang hatid ng Team Payaman content creator na si Yow Andrada sa…
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
This website uses cookies.