Netizens Hilariously Poke Fun at Baby Kidlat’s Crib For Sale Listing

Kamakailan lang ay naging laman ng Facebook marketplace ang customized crib ng unico hijo nina Viy Cortez at Cong TV na si Zeus Emmanuel Cortez Velasquez, a.k.a Baby Kidlat.

Hindi nagpahuli ang mga netizens sa kanilang witty reactions tungkol sa binebentang crib ng Team Payaman baby.

Kidlat’s Crib For Sale

Sa isang Facebook post ng VIYLine Girl na si Karen Villes, a.k.a Kha Kha, ibinahagi nito ang Facebook listing ng binebentang crib ni Viviys.

“Kidlat’s Crib for sale! 15K LAST PRICE pm me ‘mine!’ Good as new, with 4 wheels Rfs: Queen size bed na po talaga gusto ni Kidlat (FREE: 20 pcs Kidlat’s Pre loved (Clothes), Foam, Bed Sheet Cover)” ani Kha-Kha kaakibat ang larawan ng custom made na crib.

Wala pa mang isang araw ay agad na rin itong naibenta sa isang interisadong online buyer sa Facebook.

Witty Reactions

Ang nasabing post ay umani ng libo-libong reactions mula sa netizens, at inulan din ng mga nakakatawang komento mula sa mga taga-suporta ng Team Payaman.

Hindi napigilan ng mga netizens na ipadala ang kanilang mga witty comments and captions, dahilan upang marami pa ang maabot ng nasabing Facebook listing.

Kha Kha: “KUNG MAY ANAK LANG AKO BINILI KO NA TO HAHAHAHAHA”

Hasein Mecaydor: “Kasya po ba dyan baby ko? college na kasi siya e”

Janice Suratos – Pacheco: “Bibilhin ko sana kaso naipambili na namin ng sibuyas!”

Denisse Tarrayo: “Bibilhin ko sana kaso grade 10 na pala baby ko”

Hindi rin nagpahuli ang ilan sa mga taga-suporta ng Team Payaman sa pag-share ng nasabing crib ni Baby Kidlat sa kani-kanilang mga Facebook feed.

Alyanna Grace Ching: “Sayang graduate na baby ko, sorry ms viy!”

Ellyza Acero: “Bibilin ko sana kaso sayang di na kasya baby ko!”

Syril Baluran: “Kasya ba baby ko dito ee college na un?”