Team Payaman’s Kha Kha Villes and Bok Stars in a Music Video

Nakilala ang BoKhaKha loveteam na binubuo nina Karen Joy Villes, a.k.a Kha Kha at Carlos Magnata, a.k.a Bok, ng matampok ang dalawa sa ilang vlogs ni Team Payaman founder Cong TV.

Kamakailan lang ay bumida ang kanilang tambalan sa isang music video ng OPM duo na Ode to Mars sa bago nitong kanta na pinamagatang “O’ Sinta.”

BoKhaKha History

Nakilala ang BoKhaKha loveteam ng maisipan na isali ni Cong TV si Bok sa kanilang kulitan mula pa sa Payamansion 1.

Si Cong din ang naging tulay upang matunghayan ng mga manonood ang chemistry nina Bok at Kha. Kaya naman matapos ang ilang cameo sa vlog ay naging top trending ang dalawang ito.

Sa BOKHAKHA vlog ni Cong TV noong 2020, naging usap-usapan at laman ng social media ang dalawang Team Payaman members dala ng kanilang natural na kilig factor sa madla.

Bagamat busy na sa kani-kanilang mga karera, hindi na gaano nasasama sa mga vlogs ng Team Payaman ang BoKhaKha tandem. Ngunit kamakailan lang ay ginulat ng dalawa ang madla sa kanilang munting surpresa para sa mga manonood.

First Music Video Appearance

Sa kauna-unahang pagkakataon, bumida ang Team Payaman members na sina Kha Kha at Bok sa isang music video ng OPM duo na Ode to Mars.

Ang Ode to Mars ay binubuo ng mga #TatakPinoy na musikero na sina Odilon Reyes at Martin Patrick Tan, na pumasok sa industriya sa ilalim ng major recordna Universal Record Philippines. 

Bilang simbolo ng kanilang pagpasok sa industriya, una nang inilabas ng tambalang Odilon at Martin ang kanilang debut single na pinamagatang “O’  Sinta.”

Ang bagong kanta ay tila modernong istilo ng harana, kung saan ang mga liriko ay tiyak na pupukaw sa puso’t isipan ng kanilang mga tagapakinig.

Gaya ng nabanggit, ang O’ Sinta ay tumutukoy sa modernong paraan ng panghaharana kung kaya naman ang konsepto ng kanilang music video ay alinsunod sa nasabing tema.

Simula pa lang ng music video ay bumida na ang BoKhaKha loveteam na lumarawan sa Filipino style ng ligawan at panghaharana.

Kakaiba ngunit nakakakilig ang naging atake ng music video na pinagbidahan ng dalawa, kitang kita ang kanilang chemistry na una umusbong sa Payamansion.

Ang nasabing music video ay mapapanood sa opisyal na YouTube channel ng Universal Records Philippines. 

Netizens’ Reactions

Labis namang ikinatuwa ng netizens ang pagbabalik tambalan nina Bok at Kha Kha sa music video ng O Sinta. 

Ma. Cassandra Valdeavilla: “Ang ganda!! ang galing po ng concept ng music video. galing po ng director!”

Mc Jan Cadapan: “Add to playlist sa spotify. Ganda ng song. #BoKhakha lang sapat na!”

Alyssa Valderama: “Ang gandaaa! Bagay talaga Bokhakha! #TeamPlatypus”

Joshua Paul Uvero: “Umi-improve acting skills ni Bok! Nice one BoKhaKha”

Zombee Sama: “The loveteam that we never had…. #boKHAkha hehehe”

Watch the music video below: