Sa isang pambihirang pagkakataon ay nasaksihan ng Team Payaman fans ang pagiging “fanboy” ni Cong TV. Ito ay matapos makatanggap ng “shoutout” mula sa isa sa kanyang iniidolong OPM band ang batikang YouTube content creator.
Sa bagong vlog ni “Libre” band frontman Kevin Hermosada, ibinahagi nito kung paano siya nagsilbing tulay para matupad ang shoutout na talaga namang nagpakilig kay Lincoln Velasquez.
Noong nagdaang “Bluebay Walk Music Fest,” nakasama ng banda ni Kevin Hermosada ang iba’t-ibang sikat na OPM sa bansa, kabilang na ang idolo nila na Silent Sanctuary.
Bago pa man maganap ang nasabing music fest at nakiusap ang Team Payaman headmaster kay Kevin na humingi ng shoutout sa Silent Sanctuary, partikular na sa bokalista nitong si Sarkie Sarangay.
Maging si Kevin ay hindi napigilan kiligin ng makita, makausap at maka-bonding pa ang mga idolo.
“Nakakanginig eh pag nakita mo yung idols mo,” ani Kevin.
Bago pa man maging bokalista ng sarili nyang banda na COLN, isa nang ganap na fan ng OPM music at OPM bands si Cong TV.
Noong 2018 makikita sa mga vlogs ng 31-anyos na YouTube content creator ang hilig nito sa rock music. Isa sa mga unang videos na mapapanood natin sa channel ni Cong ay ang music video parody nito ng kantang “Rebound” ng Silent Sanctuary.
Kaya naman hindi nakapagtataka na hindi pinalampas ni Cong ang pagkakataon na makapagpa-shoutout sa kanyang idolo.
Samantala, matapos makipag bonding sa miyembro ng Silent Sanctuary, malugod namang pinaunlakan ng mga ito ang hiling na shoutout ni Cong.
“Happy New Year, sir! Sana nandito ka Cong, minsan punta ka sa gig namin tapos inom tayo. Tyaka congrats sa baby niyo, sa asawa mo, hi din,” bati ni Sarkie.
Mission accomplished si Kevin sa hiling ni Cong na halos walang paglagyan ang ngiti ng mapanood ang nasabing video.
Halos napahiyaw at napahiga pa ito sa sobrang saya, lalo na ng bigkasin ng banda ang catchphrase na nagpasikat kay Cong.
“Sobrang saya pre,” ani Cong TV.
Watch the full vlog below:
Isang hindi inaasahang surprise guest ang bumulaga sa Team Payaman member na si Dudut Lang…
As Viyline and Team Payaman Fair 2026: VIYond the Beat take the spotlight, a moving…
Team Payaman Fans, get ready for another exciting streetwear drop! Cong TV’s apparel brand, Team…
Isang nakakakilig na episode ang hatid ni Viy Cortez-Velasquez sa kanyang “Kusina Wars” vlog matapos…
Isang masayang food adventure ang hatid ni Mommy Viy Cortez-Velasquez kasama ang mga house angels…
Isang Cebu adVIENture ang hatid ni Vien Iligan-Velasquez matapos nilang dumayo sa nasabing probinsya upang…
This website uses cookies.