Team Payaman’s Chino Liu Joins ‘DonBelle’ in Star Cinema’s Comeback Movie ‘An Inconvenient Love’

Muling bibida sa isang pelikula ang nag-iisang Chino Liu, a.k.a Tita Krissy Achino ng Team Payaman. 

Makakasama ni Chino sa pelikulang “An Inconvenient Love” ang tinaguriang “New Gen Phenomenal Love Team” na kinabibilangan nina Donny Pangilinan at Belle Mariano. Ang nasabing pelikula ay itinuturing na “comeback movie” ng Star Cinema. 

Ano naman kaya ang ginagampanang papel dito ng pambato ng Team Payaman sa aktingan?

Chino Liu as Ben 1

Ayon sa Star Cinema, gaganap si Chino Liu bilang Ben 1, isa sa mga staff sa boutique plant shop na “HalaManny” na pagmamay-ari ng karakter ni Donny Pangilinan. 

Sa eksklusibong panayam ng VIYLine Media Group (VMG), inilarawan ni Chino ang kanyang karakter bilang isang masipag at tapat na empleyado. 

Pero kwento ng vlogger na nakilala sa pag-iimpersonate kay Queen of All Media Kris Aquino, very challenging ang naturang role dahil unang beses lang nyang gumanap na lalaki sa isang pelikula. 

“Kaya siya challenging kasi I’m not Tita Krissy here. As Ben 1 ako dito na lalaki ang role. Kaya I find it medyo hard kasi labas na sya ng comfort zone ko,” ani Chino Liu.

Ano naman kaya ang naging paghahanda ni Chino para sa nasabing role?

“Sa kahit anong role, I always make sure I come prepared. I read the script, understand the story, and mold the character,” paliwanag ni ng batikang vlogger. 

Malaking tulong din aniya ang mga tips ng kanyang mga kapwa aktor na sina Adrian Lindayag, Matet de Leon, at direktor ng pelikula na si Petersen Vargas. 

Working with DonBelle

Nang kamustahin naman ng VMG ang naging trabaho nito kasama ang sikat na sikat na tambalang Donny Pangilinan at Belle Mariano,  halos maubusan si Chino ng magagandang salita para ilarawan ang DonBelle. 

“Ay nako! Wala akong masabi… sobrang bait! Grounded & super humble. Maganda ang naging pagpapalaki ika nga,” kwento ni Chino. 

“Hindi mo mararamdamang iba ka. They also assist you sa set, sa eksena, and off cam, masaya rin kausap at kasama. Very generous din!” dagdag pa nito. 

An “An Inconvenient Love” ay mapapanood sa mga sinehan sa darating na Nov. 23.