Viy Cortez Searches for the Next Lucky Kid to Receive ‘TP Kids’ Gifts

Christmas is just around the corner, ika nga nila. At dahil dyan, simula na rin ang pamimigay ng surpresa sa ilang maswerteng taga-suporta ni Viy Cortez.

Sino kaya ang susunod na mapalad na mabibigyan ni Viviys ng pamasko mula sa TP Kids at iba pang produkto ng VIYLine?

TP Kids Gifts

Dahil sa mainit na pagtanggap ng mga magulang at chikiting sa TP Kids, labis ang naging pasasalamat ng 26-anyos VIYLine CEO sa mga patuloy na tumatangkilik dito sa iba’t-ibang mga shopping platforms gaya ng Shopee, Lazada, at TikTok shop.

Bukod sa pagbebenta ng mga produkto online, nagsisimula na ring bumisita ang TP Kids team sa mga paaralan, dahilan upang mas marami pang mga bata ang maabot ng saya dulot ng bagong negosyo ni Viy Cortez.

Upang mas makatulong sa mga magulang at mga chikiting, niregaluhan ng first-time mom ng mga educational books, toys, at learning materials ang ilang batikang mommy vlogger at influencer sa bansa. 

Sa isang TikTok video, ipinakita ng TikTok star na si Mommy Macy ang mga libreng produkto mula sa TP Kids. 

“Nakakatuwa kasi nakipag-collab talaga siya [Viy Cortez] sa akin. ‘Di ko ineexpect mga marekoy na ganito karami yung ipapadala niya sa akin,” ani Mommy Macy.

“Sobrang excited ko para kay Jaze. Alam n’yo naman, sobrang hilig niya yung mga libro. Saktong-sakto din kasi sobrang tagal ko nang di bumibili ng libro” dagdag pa nito.

Bukod kay Mommy Macy, binigyan din ng regalo ni Viviys ang Facebook sensation na si Ciara Magallanes, a.k.a Mommie Diaries, at ang anak nitong si Ate Diaries.

Sa Facebook post ni Ate Diaries, nagpasalamat ito sa mga natanggap na mga libro at laruan mula sa TP Kids.

“​​Ang dami ko po bagong books from TP Kids. Syempre po may pa-giveaway ako sa mga friends ko na followers ko po. Please wait for my vlog soon po. Maraming salamat po, TP Kids and Ma’am Viy! Sobrang happy po talaga kami ni mommy ko.”

Who’s Next?

Samantala, sa isang TikTok video, inanunsyo ni Viy Cortez na naghahanap pa sya ng ibang mommies, daddies, at chikiting na pauulanan ng regalo mula sa TP Kids. 

“Naghahanap pa ako ng mga mommies and babies na mapagbibigyan ng PR kit ng TP Kids and naghahanap din ako ng mapagbibigyan ng PR kit ng VIYLine Skincare or VIYLine Cosmetics,” ani Viviys.

“So i-tag nyo lang kung sino yung gusto niyo na mabigyan ko or kung gusto nyong kayo, mag-comment lang kayo at i-like yung TP Kids at VIYLine Cosmetics na TikTok account. Yun lang mga Viviys, then mamimili na ako, i-PM (private message) ko kayo,” dagdag pa nito. 

So ano pang hinihintay nyo mga kapitbahay? Sugod na sa TikTok shop ng TP Kids at VIYLine Cosmetics at malay nyo, kayo na ang susunod na makatanggap ng pamasko mula kay Viy Cortez.