Payaman Insider Boys Weigh the Traffic Problems and Solutions in the Country

Usapang transportasyon at trapiko sa Pilipinas ang pinagtuunan pansin ngayon ng Team Payaman boys. 

Sa panibagong episode ng Payaman Insider podcast sa Spotify, naging mainit ang diskyusyon nina Junnie Boy, Boss Keng, Burong, at Tryke Gutierrez sa paksa na apektado ang halos lahat ng mamamayan sa bansa. 

Lahat tayo ay paniguradong nakaranas nang maipit sa trapiko, kaya ibinahagi ng Payaman Insider hosts ang kanila opinyon at suhestyon sa hindi malutas-lutas na problema ng trapik sa bansa. 

Bakit madalas mabagal ang daloy traffic sa Pilipinas?

Para kay Tier One Entertainment CEO at co-founder Tryke Gutierrez, ang sobra-sobrang populasyon sa Metro Manila ang pangunahing nagdudulot ng trapiko. Aniya kailangan ibahin ng gobyerno ang estratehiya sa paglutas ng nasabing problema.

Sa tingin naman ni Junnie Boy, isa rin sa sanhi ng problema sa trapiko ay dahil madali para sa mga Pilipino ang bumili ng sasakyan. 

Pero para kay Boss Keng, nasa mga drayber na walang disiplina pa rin ang problema. 

“Yung mga driver na mismo, ayaw magbigayan, mga sugapa sa daan, paloko-loko sa daan. Kasi yung daan kahit sabihin mo na masikip yan, kung may sistema kayo sa pagda-drive, lahat ng mga tao may susundin (maayos yan),” ani Boss Keng. 

Dagdan naman ni Junnie Boy, napakadali rin kasing makakuha ng driver’s license sa bansa, na sya namang inihalintulad ni Boss Trke sa pagkuha ng lisensya ng mga doktor, abugado, at inhinyero. 

“Dati hindi ko maintindihan bakit ang tagal mag-lawyer, ang tagal mag-doktor, ang tagal mag-engineer. May nag-explain sa’kin, may nakataya kasing buhay dyan,” paliwanag ni Tryke.

“Halimbawa doktor, iklian mo yung pag-aaral, ilan pwedeng mapatay nyan? Kunwari lawyer, ilan ang kayang ipakulong nyan? So parang everytime ma may life at risk, kailangan hinihirapan yung barrier to entry. Eh ang driving same yan eh, pwede kang makapatay!” dagdag pa ng Tier One big boss. 

Posibleng solusyon sa lumalalang trapik sa bansa?

Nagbigay si Burong ng tatlong solusyon na sa tingin nya ay makakatulong sa paglutas ng problema sa trapiko ng bansa. 

Kabilang dyan ang pagpapalawak ng number coding system, pagbili ng maraming bus ng gobyerno, at ang pag phase-out ng mga lumang sasakyan. 

Para naman kay Keng, maging mas mahigpit sana ang pamahalaan sa pagbibigay ng lisensya sa mga nais magmaneho. Magpatupad rin aniya ang gobyerno ng mahihigpit na batas nang sa gayon ay maging disiplinado ang mga drayber. 

Payo naman ni Tryke, palawigin ang direct foreign investment sa iba’t-ibang lugar sa Pilipinas para dumami ang oportunidad dito at hindi na kinakailangan pang pumunta ng Maynila ng mga tao para magtrabaho. 

Sa huli, pinag-usapan din ng Payaman Insider boys kung bakit tila sukatan ng tagumpay ang pagbili ng sasakyan. Nagbigay din sila ng mga payo para sa mga nais bumili ng koste. 

Click this link to listen to the full episode.