Hindi maikakaila na ang content house ng Team Payaman na tinaguriang “Payamansion” ay isa sa mga sikat na bahay sa mundo ng social media sa Pilipinas. Dahil sangkatutak na content creators ang naninirahan dito ay naging iconic na ang naturang bahay sa mga fans ng grupo.
Ngayong nalalapit na ang pag-alis ng Team Payaman sa nasabing bahay, tila naisipan ni Cong TV na buksan ang pinto ng kanilang tahanan sa publiko para sa iba’t-ibang serbisyo.
Sa kanyang bagong vlog na pinamagatang “Servis,” inisa-isa ni ng 30-anyos na vlogger ang mga serbisyong pwede diumanong mapakinabangan ng publiko sa Payamansion.
Paliwanag ni Cong TV, dahil may lalaki na nais alukin ng kasal ang kanyang nobya sa Payamansion, naisipan nilang mag-alok ng “Payamansion Proposal Services.” Kasama sa naturang serbisyo ang performance ng Team Payaman Choir.
“Propose na kayo dito, ano pang hinihintay nyo!” ani Cong TV.
Pero ang buong katotohanan ay kasabwat si Cong TV, ang buong Team Payaman at ang VIYLine Media Group (VMG) sa nasabing marriage proposal. Ang mag nobyo ay authorized City Distributor ng VIYLine Skincare mula sa Cagayan Valley.
Pagdating sa Payamansion ng magkasintahan na Ritz at Maricon, agad silang sinalubong ni Cong TV at nagkunwaring pinagbayad si Ritz ng “Team Payaman House Tour Services and Meet and Greet.”
Habang nagpi-picture taking si Maricon kasama ang Team Payaman, hindi nya alam na nasa likod ang nobyong si Ritz at handa na sa kanyang proposal.
Mas lalong naging espesyal ang nasabing proposal dahil sa tulong ng buong Team Payaman.
Abangan ang buong kwento sa likod ng kakaibang marriage proposal na ito sa VIYHind the Scene episode sa VIYLine Media Group official YouTube channel.
Samantala, dahil sa isang grupo ng Team Payaman fans ang sumugod sa Payamansion ay binuksan na diumano ni Cong TV ang “Payamansion House Tour Service” sa publiko.
Biro ni Cong sa nasabing grupo, kailangan may booking sila sa pagbisita dahil may bayad na aniya ang magpa-picture sa kanila.
Agad namang pinaunlakan ni Cong TV ang lahat ng nais magpa-selfie pati na ang isang fan nyang senior citizen.
“Nanay, mamamasko po ba kayo?” tanong ni Cong TV sa maswerteng tagahanga.
“Bigyan ng five thousand!” dagdag pa nito na syang nagpatalon kay Nanay sa tuwa.
Watch the full vlog below:
Sa kanyang bagong YouTube vlog, ipinaliwanag ng vlogger at TP Friends na si Dr. Alvin…
Bago sumapit ang Disyembre, nakasanayan na ng maraming pamilya ang maglinis, mag-ayos, at maghanda ng…
Isa sa mga gumulat sa mga taga-suporta ng Team Payaman ay ang halos sabay na…
Love is indeed sweeter the second time around. Vlogger and VIYLine Cosmetics girl boss, Viy…
Puno ng tawanan at kulitan ang bagong vlog ni Mommy Vien Iligan-Velasquez, kung saan kasama…
Isa sa mga hinahangaang miyembro ng Team Payaman si Aaron Macacua, na mas kilala bilang…
This website uses cookies.