Team Payaman’s Burong and Kevin Hufana Shares 3 Job Interview Tips to Get You Hired


Isang kakaibang YouTube vlog ang hatid satin kamakailan lang ng resident BPO expert ng Team Payaman na si Aaron Macacua, a.k.a Burong. 

Kung isa ka sa mga naghahanap ng trabaho ngayon, sagot na ng latest vlog nina Burong at Kevin Hufana ang mga tips para maipasa ang inyong job interview. 

Ang vlog na ito din aniya ay pagpapaunlak sa matagal ng request ng mga netizens na magbigay siya ng tips para magkaroon ng lakas ng loob sa pagharap sa mga panayam para makapasok sa trabaho. 

Samahan niyo kami sa VIYLine Media Group (VMG) at isa-isahin natin ang mga tips na magbibigay sa inyo kumpyansa at tiyak na maririnig ang mga salitang  “You’re hired!”

Be Prepared

Nangunguna sa listahan ng tips nina Burong at Kevin ay ang pagiging handa sa inyong job interview. Pero anong klaseng paghahanda nga ba ang dapat unahin? Ayon sa dalawang Team Payaman members, importanteng alamin ang background ng kumpanya at ang job description ng posisyon na iyong nais pasukin. 

Bagamat malaki ang maitutulong nang pagre-research, paalala ni Kevin na umiwas naman sa pagiging “over prepared” sa mga impormasyon. 

“Minsan sa sobrang gusto natin na alam natin lahat, kapag tinatanong na tayo ng HR or interviewee, hindi natin nasasagot ng precise kasi sa sobrang daming laman ng utak natin kasi over prepared tayo,” ani Kevin Hufana. 

Payo naman ni Burong, ilista ang mga karanasang may kinalaman sa ina-apply na trabaho para madali para sa inyo na ibida ito sa oras ng panayam. 

Para naman sa mag fresh graduate o mga wala pang karanasan sa trabaho, payo nina Burong at Kevin na gamitin ang ibang karanasan sa buhay at ikonekta ito mga skills na kailangan sa posisyon na nais pasukin. 

Be quick-witted

Importante rin anilang magkaroon ng talas ng pag-iisip sa tuwing haharap sa panayam. Pagbabahagi ni Burong, kadalasan sa mga job interview ay may tinatanong na “out of the box” questions na wala namang kinalaman sa trabaho. 

Isang halimbawa aniya dyan ay ang tanong na: “If you will have a superpower, what would it be and why?”

Paliwanag ni Burong: “It is not a trick question but a question kung saan tinitignan ng interviewer kung paano ka mag-isip and how can you articulate things.” 

Payo ng 29-anyos na vlogger, paghandaan ang ganitong klaseng mga tanong sa pamamagitan ng 

pag-eensayo sa pagsagot ng ilang random questions bago sumabak sa interview. 

Dagdag pa nito, i-practice ang tinatawag na STAR (Situation, Task, Action, and Result) Approach sa pagsagot ng ganitong klaseng mga tanong. 

Be Certain

Payo nina Burong at Kevin na hanggat maari maging matapat sa inyong mga isasagot sa job interview dahil hindi lahat ay nabibigyan ng ikalawang pagkakataon para sumabak sa interview. 

Dagdag pa ni Kevin, kung hindi alam ang sagot sa tanong ay mas mabuting umamin na hindi alam ang isasagot kaysa mag-imbento. Pero aniya, sabihin na bagamat hindi mo alam ang sagot ay bukas ka naman para matutunan ang mga bagay na kailangan sa trabaho. 

Watch the full vlog below: 

Kath Regio

Recent Posts

Cong Clothing Drops An Exclusive Summer 2025 Collection

For the first time this year, Team Payaman’s Cong TV’s very own clothing line, Cong…

3 hours ago

Boss Keng Shares Snippets of Kuya Isla’s Swimming Bonding with Mommy Pat

Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…

1 day ago

Summer Just Got Better with Viyline MSME Caravan at SM Dasmariñas

The VIYLine MSME Caravan is a great opportunity for local business owners to show their…

1 day ago

Viy Cortez-Velasquez and Cong TV Get Real About Being Second-Time Parents

Matapos ang matagal na paghihintay, masayang ibinahagi ng Team Payaman power couple na sina Viy…

6 days ago

Alex Gonzaga Shares a Sneak Peek of Her Dream Home’s Progress

Sa bagong vlog ng social media star at aktres na si Alex Gonzaga-Morada, handog niya…

1 week ago

Summer Outfit Ideas ft. Muyvien Apparel’s Everyday Basics Collection

Let’s be real—summer fashion is a balancing act. You want to look cute, but you…

1 week ago

This website uses cookies.