Muli na namang nahulog sa patibong ni Viy Cortez ang longtime boyfriend at kapwa vlogger nitong si Cong TV. Ito ay matapos muling ma-prank ang legendary YouTube content creator at walang kalaban-laban na natikman ang breastmilk na para sana kay Baby Kidlat.
Sa kanyang “Breastmilk Prank” vlog, ibinahagi ng 26-anyos first-time mom kung paano niya muling na-prank si Cong TV na minsan ng binansagan ang kanyang sarili na “Greatest Prankster” at “The Unprankable Vlogger” dahil hinding-hindi raw ito kayang i-prank ng kanyang mga kasama sa Team Payaman.
Pero maka ilang ulit ng nabiktima ni Viviys si Cong simula ng mabuntis ito sa kanilang panganay na si Zeus Emmanuel Cortez Velasquez, a.k.a Kidlat.
“Today is another prank day!” panimula ni Viy.
“Walang makakatinag sa isang Viy Cortez sa pangpa-prank!” dagdag pa nito.
Bago simulan ang kalokohan ay pinakita muna ni Viy ang kanyang natutulog na unico hijo. Paliwanag ni Viviys, tulog na si Kidlat kaya pwede na siyang gumawa ng kalokohan at syempre ang napili nyang biktima ay walang iba kundi ang 30-anyos na ama ni Baby Kidlat.
“Galing ‘to (gatas) mismo sa’kin, so ipapatikim ko ‘to kay Cong TV kasi hindi pa nya natitikman ang katas ng isang Viy Cortez,” biro pa nito.
Dali-daling inihanda ni Mommy Viy ang kanyang magiging katuwang sa prank sa tulong ng Tea Talk Franchised by Viy Cortez.
Kumuha pa ng milk tea cup na may kasama Tapioca Pearls si Viy at doon hinalo ang kanyang freshly pumped breastmilk. Para mas kapanipaniwala na Boba Milk Tea ang ipapainom kay Cong, nilagyan pa ni Viy ng yelo ang nasabing cup.
Agad pinuntahan ni Viviys si Cong na sya namang naglilibang gamit ang kanyang gitara. Nagpanggap itong nagrerecord ng back-to-school promo para sa Tea Talk.
Pinatikim ni Viy kay Cong ang kunwaring bagong milk tea flavor na sya naman ininom agad ng tatay ni Kidlat.
Pero tila hindi maipinta ang mukha ni Cong habang ninanamnam ang inumin na animoy may kakaiba aniyang lasa.
“Gatas ba ni Kidlat yan?” nagtatakang tanong ng Bossing ng Team Payaman.
Panoorin ang kabuuan ng nasabing prank vlog:
For the first time this year, Team Payaman’s Cong TV’s very own clothing line, Cong…
Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…
The VIYLine MSME Caravan is a great opportunity for local business owners to show their…
Matapos ang matagal na paghihintay, masayang ibinahagi ng Team Payaman power couple na sina Viy…
Sa bagong vlog ng social media star at aktres na si Alex Gonzaga-Morada, handog niya…
Let’s be real—summer fashion is a balancing act. You want to look cute, but you…
This website uses cookies.