Team Payaman Surprise Fans with Music Video of Emman Nimedez’s Unreleased Song

Ginulat at pinaiyak ng Team Payaman ang kanilang mga supporters matapos ilabas ang unreleased song ng yumaong kaibigan at kapwa vlogger na si Emman Nimedez. 

Nitong Martes, Aug 16, 2022 ang ikalawang death anniversary ni Emman na pumanaw dahil sa sakit na leukemia noong 2020.

Bilang pag-alala sa legendary YouTube vlogger, naglabas ang pamilya at mga kaibigan nito ng music video ng isa sa mga kantang hindi na nagawang isapubliko ni Emman noong nabubuhay pa ito.

Ilan sa mga naunang kanta ni Emman ay ang “Teka Lang” at “Kung Pwede Lang.

Mapapanood ang music video ng bagong kanta sa YouTube channel mismo ni Emman Nimedez na ngayon ay mayroon pa ring higit 2.78 million subscribers.

Tara, samahan niyo kami sa VIYLine Media Group (VMG) at alamin ang kwento sa likod ng kantang iniwan ni Emman para sa ating lahat. 

The making of “Simula”

Ayon kay Team Payaman member at COLN vocalist Awi Columna, naisulat ni Emman ang kantang “Simula” bago pa ito pumanaw, ngunit hindi naisapubliko.

Ang nasabing kanta ay tungkol sa isang taong lugmok sa kalungkutan at humihiling na sana ay bumalik lahat sa simula.

Kwento ni Awi, taong 2020 nang ibigay sa kanya ng ama ni Emman na si Daddy Louie Nimedez ang voice recording ni Emman na kinakanta ang ilang parte ng sinulat na kanta. 

Agad aniya niyang tinawagan ang ilang kaibigan nila ni Emman sa industriya at naisipang buuin ang kanta bilang pag-alala sa tinaguriang “Pambansang Oppa” ng Pilipinas. 

Tinapos ni Awi ang mga letra ng  “Simula” sa tulong nina Kiyo at Alisson Shore na siyang naglapat ng musika sa nasabing kanta.

Pero kwento ng resident rock star ng Team Payaman, hindi naging madali ang pagbuo ng kanta. 

“Talagang iningatan namin yung mga lyrics at tunog na ilalagay namin. Inisip din namin kung okay ba ‘to, gusto ba ‘to  ni Emman talaga,” kwento ni Awi sa VMG.

“Sobrang iningatan namin dahil alam naming sobrang special din talaga para kay Emman ‘to, kasi eto na yung last song niya eh!” dagdag pa nito.

Simula Official MV

Inabot ng higit dalawang taon bago naisakatuparan ng grupo ang paglabas sa kanta ni Emman. Bukod sa kanilang busy schedule, kailangan din nilang humanap ng budget para mapaganda ang music video. 

Ayon naman sa direktor ng nakakaantig na music video na si Titus Cee, ilang beses niyang napanaginipan si Emman. Kaya naman ang konsepto ng music video ay hango sa mga nakita niya sa panaginip na nagmistulang art direction mula kay Emman na dati ring gumagawa ng mga short films at music video. 

Bida sa nasabing music video ang mga magulang at kapatid ni Emman, ang dati nitong nobya na si Peachy Santos at ilang miyembro ng Team Payaman. 

Dagdag pa ni Awi: “Sobrang saya sa pakiramdam kasi parang naging grand reunion (yung music video), kasi nandyan yung Team Payaman North, nandyan yung Team Payaman South, nandyan din yung mga artist na naging tropa ni Emman. Parang ginather kami ni Emman noong araw na yon habang shinu-shoot yung music video.”

“Congratulations, Emman! Legendary ka talaga! Hanggang sa huli kahit wala ka na dito sa mundo ay nakapag iwan ka parin ng mensahe at kanta para sa lahat.”

Watch the full music video below: 

Kath Regio

View Comments

Recent Posts

Cong Clothing Drops An Exclusive Summer 2025 Collection

For the first time this year, Team Payaman’s Cong TV’s very own clothing line, Cong…

20 hours ago

Boss Keng Shares Snippets of Kuya Isla’s Swimming Bonding with Mommy Pat

Sa pinakabagong vlog ng Team Payaman member na si Exekiel Christian Gaspar, a.k.a Boss Keng,…

2 days ago

Summer Just Got Better with Viyline MSME Caravan at SM Dasmariñas

The VIYLine MSME Caravan is a great opportunity for local business owners to show their…

2 days ago

Viy Cortez-Velasquez and Cong TV Get Real About Being Second-Time Parents

Matapos ang matagal na paghihintay, masayang ibinahagi ng Team Payaman power couple na sina Viy…

7 days ago

Alex Gonzaga Shares a Sneak Peek of Her Dream Home’s Progress

Sa bagong vlog ng social media star at aktres na si Alex Gonzaga-Morada, handog niya…

1 week ago

Summer Outfit Ideas ft. Muyvien Apparel’s Everyday Basics Collection

Let’s be real—summer fashion is a balancing act. You want to look cute, but you…

1 week ago

This website uses cookies.