Muling nagbabalik sa mga kwelang prank ang YouTube content creator na si Viy Cortez, at syempre sino pa ba ang kanyang paboritong biktima, walang iba kundi ang kaniyang longtime boyfriend na si Cong TV.
Ano kaya ang naging reaksyon ng legendary YouTube icon inihandang birth certificate prank ni Viviys?
Sagot na ng VIYLine Media Group (VMG) ang chikahan sa top-trending prank ni Mommy Viy!
Noon pa man ay katuwaan na nina Cong at Viy na mag-asaran sa magiging apelyido ni Baby Kidlat.
Madalas asarin ng VIYLine CEO ang 30-anyos nitong nobyo na hindi niya isusunod kay Cong ang magiging apelyido ng panganay na si Baby Kidlat.
Sa kaniyang latest vlog, muli na namang na-prank ni Viviys si Cong gamit ang isang pekeng birth certificate. Sa pekeng kopya, sinadya ng 26-anyos first-time mom na hindi ilagay ang apelyido ni Cong sa tunay pangalan ni Baby Kidlat.
Sa halip na “Velasquez” ay “Cortez” ang apelyidong nilagay ni Viy sa edited birth certificate ni Baby Kidlat nang sa gayon ay makita ang magiging reaksyon ni Daddy Cong.
“Nakita ko na ‘yan eh! Ako nag-pirma niyan eh!” kumpiyansa ang sagot ni Cong TV na siyang ikinagulat ni Viviys.
Bago pa man mapansin ni Daddy Cong ang edited na pangalan ni Kidlat ay nilaktawan niya muna ito at nag-focus sa iba pang mga detalye gaya ng kaarawan at lugar ng kapanganakan.
Hindi nag-atubiling pinansin ni Mommy Viy ang apelyido ni Kidlat sa pekeng birth certificate upang makita na ito ni Daddy Cong.
“Ay yung middle name nya, Tumbaga oh!” pang best actress na acting ni Viy.
“Oo nga no, walang Velasquez. Ba’t walang Velasquez? Hala!” gulat na gulat na sabi ni Cong.
Dagdag pa nito: “Hala Cortez ang apelyido nya! Deserve ko ba ‘to kasi hindi ako nag propose?”
Agad din namang nahuli ng tinaguriang “Greatest Prankster” ang patibong ng kanyang nobya dahil nadulas ito at nasabing ito ay prank.
At syempre, marami ang na-aliw sa prank comeback ng nag-iisang Viy Cortez kung kaya’t inulan ang vlog nito ng samu’t-saring reaksyon mula sa kanyang mga supporters.
Ernah Mae Revadulla: “Sobrang lucky ni Kidlat na may magulang siyang maalaga at mapagmahal. We love you both of you Cong and Viy”
Nuñez, Darianne Jean: “Laughtrip HAHAHAHAHA! A parent’s love for their child is truly unconditional. Stay healthy Kidlat! You are so loved by many, lalo na ni Mama mo at ng kapitbahay niyo HAHAHAHAHA!”
Marian Paner: “Sobrang responsable nyong magulang lalo kana Viy tlagang inaalam mo lahat, naalala ko nung ganyan palang baby ko, pinaliliguan sya ng tap water nag amoeba sya, so ayun saka ko palang sya pinaligo ng mineral. Good job Mommy Viviys talagang anticipated nyo lahat.”
Basco, Danica Mae G.: “Iloveyou Cong and Viy!! And Kidlatttt napasaya nyo nanaman ako. Nung nakaraan nadaanan namin Viyline na office nyo malapit Southwoods Mall huhu nakita ko palang yun im so happy na. Hoping to see u three soon. Watching here always at Pampanga.”
Watch the full vlog below:
Muling naghatid ng travel at food content ang Team Payaman vlogger na si Clouie Dims…
SM has been a big part of Filipinos’ everyday lives, from family weekend bondings to…
Isa ka ba sa mga mahilig sa oatmeal, yogurt, granola bars, at ilan pang masustansyang…
You didn’t see this coming, but for the love of the game, Team Payaman has…
Little Princess Tokyo Athena Velasquez is back and brighter than ever! Bilang pagpapatuloy sa tradisyon…
Patuloy na ipinapakita ng Team Payaman vlogger na si Aaron Macacua, a.k.a Burong, ang kanyang…
This website uses cookies.