Isang emosyonal na vlog ang nilabas kamakailan ni Team Payaman member Kevin Hermosada matapos ianunsyo ang pagbibitiw niya bilang video editor ni Yow Andrada.
Ayon kay Kevin, hindi naging madali ang kanyang desisyon ngunit kailangan bitiwan ang nasabing trabaho upang pagtuunan ng pansin ang kanyang kalusugan.
Sinimulan ni Kevin ang kanyang latest vlog sa pagbabalik tanaw kung paano siya nangarap maging parte ng sikat na grupo ng vloggers na Team Payaman.
April 2018 noon nang unang mapanood ni Kevin Hermosada si Yow sa mga vlogs ni Cong TV. Kagaya ng maraming fans ng Team Payaman, isa rin siya sa napahalakhak ng mga hirit at karakter noon ni Yow.
Doon na rin nagsimula ang kagustuhan niyang sundin ang pangarap na maging videographer. Bilang hakbang sa pagtupad ng kanyang pangarap, isa-isa niyang pinadalhan ng mensahe ang bawat miyembro ng Team Payaman gaya nina Cong TV, Junnie Boy, Roger Raker, at Emman Nimedez.
Bagamat hindi nagtagumpay sa kanyang unang tangka, hindi sumuko si Kevin hanggang sa nakilala niya ng personal si Yow Andrada sa pamamagitan ni YouTube content creator, Mayor TV.
Hindi nagtagal ay naging opisyal na siyang videographer, editor, photographer at director, hindi lang ni Yow, kundi maging ng buong Team Payaman. Napasama rin si Kevin sa grupo nang nanirahan ito sa tinaguriang “Payamansion 1.”
Sa loob ng higit dalawang taon, pinagsabay ni Kevin Hermosada ang pagiging videographer, editor, vlogger at bokalista ng bandang “Libre.”
Nakakalungkot man, pero kinakailangang bitiwan ni Kevin ang kanyang trabaho bilang editor upang tutukan ang kanyang kalusugan.
Paliwanag ni Kevin, mayroon siyang kondisyon na tinatawag na “fatty liver nonalcoholic.” Ayon sa isang episode ng Pinoy MD, ang nonalcoholic fatty liver disease ay madalas nagiging sanhi ng pagkain ng mamantika at matatabang pagkain.
“Gusto ko pang mag-edit, gusto ko pang gumawa ng mga bagay na hindi ko kayang gawin at mag-explore pa,” ani Kevin.
“Kaso kailangan ko rin yung sarili ko, kailangan kong magbawi sa sarili ko. Kailangan nating alagaan kung ano yung na-me-maintain natin ngayon para makagawa pa tayo ng mga bagay na hindi pa natin nagagawa,” dagdag pa nito.
Sa kanilang heart-to-heart talk, maluwag na tinanggap ni Yow ang pagbibitiw ni Kevin sa pwesto. Bagamat hindi na siya opisyal na editor ni Yow ay hindi naman pinalayas ng Team Payaman si Kevin sa Payamansion.
Pero ang tanong ng lahat ngayon, sino na ang magiging bagong editor ng tinaguriang “Content Material” ng Team Payaman?
Pwes, pakatutukan ang editor reveal ni Yow Andrada sa kanyang YouTube channel at official Instagram account @yowandrada.
Watch Kevin Hermosada’s vlog below:
Halfway through the year, and with the unpredictable weather, it’s best to be prepared with…
Masayang sinalubong ng mag-asawang Malupiton at Joy Ravanera ang pinakabagong parte ng kanilang pamilya. Tunghayan…
Cuteness overload ang hatid ni Kidlat sa kanyang Spidey-soccer training na ibinahagi ng Team Payaman…
Isang buwan matapos ang kaarawan ng panganay na anak nina Viy Cortez-Velasquez at Cong TV,…
Viy Cortez-Velasquez, Team Payaman’s very own "girl boss," is once again showing off fire style…
Sa simpleng sorpresa at sweet bonding moments, napasaya ng mag-asawang Junnie Boy at Vien Iligan-Velasquez…
This website uses cookies.