Boss Keng Shows Glimpse of Team Payaman Claveria Adventure

Biyaheng Claveria, Cagayan ang ilang miyembro ng Team Payaman, partikular na ang Velasquez Family para sa isang pang malakasang family reunion. 

Sa kaniyang latest YouTube vlog, pinasilip ni Boss Keng nagdaang bakasyon ng tropa sa Claveria, para sa reunion ng Velasquez Family at kaunting pasyal sa probinsya. 

Sa kabila ng mahabang byahe ay mainit na sinalubong ng buong angkan ng Velasquez ang grupo. 

Ayon nga kay Boss Keng, tiyak na magiging madalas na ganitong content sa kanyang mga vlog at tatawagin niya itong “Boss Keng Travel and Tours,” dahil mas mapapadalas na rin daw ang kanilang travel ng kanyang misis na si Pat Velasquez-Gaspar. 

Claveria adventure

Nilibot nina Boss Keng, Datwo, Beigh at iba pang TP boys ang ganda ng mga tanawin sa Claveria. Ika nga ni Boss Keng, “Parang Siargao!” 

Samantala, maraming kabataang bikers naman ang nakakilala sa grupo at sumunod sa kanilang road trip. Namigay din si Boss Keng ng P1,000 para sa biker na makakasunod sa kanilang sasakyan. 

Sa kanilang ikalawang araw sa nasabing probinsya, tinungo naman Team Claveria ang Kadkarin Falls. Dito muling nakasama ng grupo ang kanilang bunso at “bebe boy” na si Igme. 

Aliw na aliw naman sa pagtampisaw ang panganay nina Junnie Boy at Vien Iligan-Velasquez na si Mavi. 

Naglaan rin ang Velasquez fam ng oras upang bisitahin ang puntod ng magulang ni Papa Shoutout o ang lolo ng magkakapatid na Cong TV, Venice Velasquez, Junnie Boy, at Pat. 

Tinapos nga ni Boss Keng ang naturang vlog sa pagpapakita ng magagandang tanawin sa Claveria, Hindi rin nagpahuli ang buong Team Payaman na sulitin ang kanilang maikling bakasyon dito.

Samanhan natin si Boss Keng at iba pang Team Payaman at Velasquez family at balikan ang angking ganda ng  Claveria, Cagayan. 

Watch the full vlog below: