Isang panibagong tagumpay at milestone ang ipinagdiriwang ng Viyline Group of Companies sa pamumuno ng President at General Manager Rolando “Papa Wow” Cortez sa pormal na pagbabasbas ng pinakabagong Viyline Advertising Truck.
Bago sumabak sa kalsada upang maghatid ng iba’t ibang produkto at serbisyo, pormal muna itong binasbasan sa isang makabuluhang seremonya.
A Nostalgic Journey of Faith
Pagkaraan ng anim na taon, muling nagbalik si Papa Wow sa St. Gaspar Bertoni Seminary sa Carmona, Cavite. Sa kanyang pahayag sa social media, inalala niya ang kanyang pilgrimage sa nasabing seminaryo kung saan nakatira pa siya roon noon nang hindi nalalaman ng kanyang pamilya.
Ang pagbabalik na ito para sa pagbabasbas ng ad truck ay naging isang napaka-memorable at emosyonal na karanasan para sa kanya.
Putting God First Above All Else
Inihayag ni Papa Wow ang kanyang gabay na pilosopiya sa buhay at negosyo sa pamamagitan ng pagbanggit sa Kasulatan:
“In everything you do, put God first, and he will direct you and crown your efforts with success.” — Proverbs 3:6
Ibinahagi rin niya ang kilalang quotation ni Arnold Schwarzenegger tungkol sa pagsusumikap at negosyo: “Early to bed, early to rise, work like hell, and advertise.”
Rolling Out for Team Payaman Fair 2026: VIYond The Beat
Bilang bahagi ng paghahanda para sa masayang Team Payaman Fair 2026: VIYond The Beat, ang bagong advertising truck ay opisyal nang maiikot sa mga strategic na lugar sa buong Metro Manila.
Nagsisilbi itong isang innovative moving billboard na naglalayong ikonekta ang mga exhibitors, partner brands, at sponsors nang diretso sa mga lokal na komunidad para sa pagbigay ng maximum brand visibility bago pa man dumating ang mismong grand event!
Para sa mga nais makita ang kanilang mga brands sa Viyline Ad Truck, mangyari lamang na magpadala ng mensahe sa tpfairofficial@gmail.com o tumawag sa numerong: 0967 423 6608.
Handang-handa na ang Viyline Ad Truck na maghatid ng kulay, saya, at tagumpay sa bawat sulok ng kalsada. Kaya sama-sama nating salubungin ang mas malaki, mas makulay, at mas masayang pagdiriwang ngayong taon, mga Kapitbahay! Kita-kits sa Team Payaman Fair 2026!
