Ang pagbubuntis ay puno ng mga bago at hindi inaasahang karanasan, lalo na kapag nasa maagang stages pa lang tulad ng first trimester.
Ito ang naging bukas na ibinahagi ng mag-asawang Kevin Hermosada at Abigail Campañano-Hermosada matapos silang makaramdam ng matinding pag-aalala dahil sa kaunting spotting o maliit na dugo na lumabas kay Abi na mapapanood sa kanilang bagong vlog.
First Trimester Care
Bagamat pinilit maging kalmado ni Abi sa buong araw, hindi pa rin niya napigilan ang maging emosyonal nang sumapit ang gabi. Dahil dito, agad silang nagpacheck-up sa kanilang OB-GYN upang makasigurado. Laking pasalamat nila nang malalamang ligtas at maayos naman ang lagay ni Baby Hamham, ngunit kinakailangan ni Abi na mag-bed rest ng dalawang linggo dahil sa pagod.
Dito ibinahagi ni Kevin kung gaano kahalaga na maging supportive, kalmado, at may mahabang pasensya ang isang mister kapag dumadaan sa mga ganitong pag-aalala ang kanyang misis.
Fun Baby Predictions with Family and Friends
Habang nagpapahinga si Abi, una muna silang dalawa ni Kevin ang nagkwentuhan at nagbiruan kung kanino kaya magmamana si Baby Hamham mula sa labi, pilikmata, hanggang sa ilong.
Pagkatapos nito, nakipagkwentuhan din ang kanilang mga tropa na sina Junnie Boy at Burong. Nagpalitan sila ng mga hula gamit ang ultrasound pictures at nag-alok ng babala at payo mula sa sarili nilang karanasan bilang mga ama, kung saan sinabi nilang nagbabago pa naman ang mukha ng baby paglabas nito.
Sa huli, ipinaalala ni Kevin na ang pinakamahalaga sa lahat ay ang pananatiling masaya at chill lang ni Abi. Sa tulong ng tamang pahinga, suporta ng pamilya, at positibong disposisyon, buong-puso at handa nilang haharapin ang bawat hakbang ng kanilang paglalakbay bilang mga magulang.
Watch the full vlog below:
