Isang pasilip sa dream-come-true moment ni Cong TV ang hatid niya sa kanyang latest vlog.
Tunghayan ang mga tagpo matapos mapanood nang personal nina Cong TV at Viviys ang kanilang iniidolong banda.
METALI
Sa kanyang bagong vlog, isinama ni Lincoln Velasquez, a.k.a Cong TV, ang kanyang mga manonood sa kanyang Metallica Concert experience sa London.
Matatandaang sinurpresa siya ng misis niyang si Viy Cortez-Velasquez ng concert ticket ng kanyang iniidolong banda.
Kilala rin si Cong sa kanyang pagiging die hard fan ng bandang Metallica dala ng kanyang pagkahilig sa paggawa ng musika at pagtugtog ng gitara.
Kaya naman matapos ang anim na buwan mula nang surpresahin siya ni Viy, lumipad na pa-London ang mag-asawa.
Game na game na sinahaman ni Cong si Viviys sa kanyang trip gaya ng photoshoot, pag-TikTok, at pamamasyal.
“Importante para sa akin ang kasiyahan niya dito dahil anniversary namin ‘to!” ani Cong.
Bago pa man magsimula ang concert ay namili muna si Cong ng ilang official merchandise mula sa Metallica.
Labis ang tuwa ni Cong nang makapasok na rin siya sa concert venue ng iniidolong banda.
“Maaaring hindi ako ang number 1 fan ng Metallica, pero ako ang number 1 na gagastos para sa kanila,” hirit ni Cong.
Nakikanta at nakisaya siya sa tugtugin habang kasama si Viy. Nakakuha rin siya ng guitar pick na mula mismo sa ilang miyembro ng Metallica.
“Hindi maniniwala ‘yung batang ako sa nasaksihan niya ngayon na darating ‘yung araw na mapapanood niya ‘yung idol niya sa stage,” reyalisasyon ni Cong.
Netizens’ Comments
Samantala, marami ang naghatid ng kanilang komento matapos mapanood ang inspirational London vlog ni Cong.
@dodonglester: “Kakaiyak! mas lalo tayong na inspired galingan sa buhay eh! salamat Cong TV!”
@euennebautista: “Kahit ilan tali pa ang pumigil sa pangarap mo, tyaga lang at tiwala sa taas, maaabot mo din lahat ng yan!!”
@Chichu_20: “Nakakaiyak yung dulo. Si Cong ay isa sa patunay na pwedeng mangyari lahat basta maniwala at magpursigi ka!”
Watch the full vlog below:
