Bumida ang ilang Team Payaman Pickleball players sa isang episode ng lifestyle television show na Kapuso Mo, Jessica Soho.
Tunghayan ang kanilang panayam kasama ang ilan sa mga manlalaro ng pickleball mula sa Team Payaman.
TP on KMJS
Nitong Mayo 31, ipinalabas sa kanilang Sunday episode ang ilang pickleball players ng Team Payaman kabilang na sina Cong TV, Viy Cortez-Velasquez, Pat Velasquez-Gaspar, Boss Keng, Vien Iligan-Velasquez, Junnie Boy, Dudut Lang, at Chino Liu.
Sa nasabing panayam, ibinahagi ng grupo ang dahilan kung bakit sila nahumaling sa paglalaro ng nasabing sport.
“Last year ako nagsimula maglaro ng pickleball. Kapag naiimbitahan ako ng kapatid ko, minsan naglalaro kami. Kasi itong pickleball, bonding na rin namin. Isa siya sa pinakamadaling aralin na sports, kumbaga hindi isya sobrang komplikado. Hindi mo kailangan sobrang athletic. Lalo kung may background ka sa sacket sports, medyo mas magiging madali siya sa’yo. The fast and the furious ‘yung bansag sa amin sa court. Kasi the fast kasi mabilis mapagod, the furious kasi mabilis magalit kapag mali yung tira,” kwento nina Viviys at Cong TV.
Ayon kay Pat, malaki rin ang naitulong ng nasabing sports pagdating naman sa kanyang kalusugan.
“Malaking tulong po siya para sa akin as a mom kasi kailanga ko talaga siya sa self-care ko,” aniya.
Kwento rin ng kanilang grupo na nauna ang TP Wild Cats na mahumaling sa nasabing laro. Agad din naman silang sinundan ng ilang TP boys sa paglalaro.
“Nung na-try ko mag-pickleball, parang dun bumalik ‘yung resistensya ko, ‘yung lakas ng katawan ko, kasi hindi siya sobrang intense na sports eh,” kwento ni Junnie.
Nang tanungin ang grupo kung sino ang pinakamagaling, agad nilang tinuro si Boss Keng.
Excited ding ibinida nina Junnie Boy at Boss Keng ang Playhouse Pickle—pickleball court na binuo nila kasama si Dudut.
Ayon kina Junnie, P500/hr ang renta ng bawat court. P250/head naman ang participation fee sa kanilang open play.
Netizens’ Comments
Samantala, marami ang natuwa nang masaksihan ang paglabas ng Team Payaman sa episode ng KMJS.
Dodi Mendoza: “Hindi lang kyo nanalo sa star magic ng basketball nag pickleball na kyo. hhahaha. Kayo naman humamon sa Star Magic pakitaan nyo sila. Go Cong’s Ambilibabol Pikolbol!”
Jha Quijano: “Tayo kayo jan Team Payaman lumilipad ang Team ng Kapuso Mo, Jessica Soho (One at Heart, Jessica Soho)”
