Kung ang hanap mo ay Korean-inspired merienda na swak sa budget at kayang gawin sa loob ng bahay, sagot na ni Viviys ‘yan!
Alamin kung paano nga ba gawin ang ‘Beef Samyang Roll’ na ibinahagi ni Viy Cortez-Velasquez sa kanyang latest cooking vlog.
Beef Samyang Roll a la Viviys
Sa kanyang recently-uploaded cooking vlog, ibinahagi ng Team Payaman vlogger na si Viy Cortez-Velasquez ang mga panuto kung paano gumawa ng Beef Samyang roll.
“Nakita ko lang siya [online] tapos natakam ako. Imbis na pumunta ako doon [sa mga food park], itatry ko siyang gawin ng sarili ko,” bungad niya.
Para sa kanyang beef strips, bumili ng karne si Viviys mula sa Premium Choice Meatshop upang masiguro ang kalidad nito.
Una na niyang inilatag sa beef strips ang lettuce at nilutong Samyang noodles. Kanya rin itong ipinaibabawan ng keso at tsaka nirolyo.
Ayon kay Viviys, upang mas sumarap pa ang ang kanyang Beef Samyang Roll, pwede rin itong dagdagan ng sikat Ssamjang sauce na may sesame oil kung nais ng kaunting anghang.
Upang mas madagdagan ang lasa, kanya rin itong binudburan ng asin at paminta bago isalang sa kawali upang iprito.
Pagkaluto, kanya itong nilagyan ng Japanese mayonnaise para sa karagdagang lasa.
“Ang sarap! In fairness, worth it siyang subukan, pero mae-enjoy mo rin ito kahit magkakahiwalay mo silang kakainin,” komento ni Viviys sa niluto.
Netizens’ Comments
Samantala, marami ang tila natakam sa masarap na meryendang hatid ni Viviys sa kanyang mga manonood.
Bambi: “Naalala ko isa sa unang vlog ni Vy nagluto sila ng Samyang ni Cong! Hahaha!”
Beatriz Datay: “Mula sa unang vlog na samyang to samyang roll!”
Patricia Piandiong – Orario: “Yung hindi ko inintindi yung niluto mo, kase naka titig lang ako sa mukha mo HAHAHHA ang fresh grabe!!”
Alle May: “200-250 pesos yan Ms. Viy hahaha. Napakamahal pero worth it yung food!”
Watch the full video below:
