Sa kanilang pagbisita sa sementeryo noong Undas, nagsagawa ng kakaibang bonding activity ang Team Payaman vlogger na si Boss Keng kasama ang kanyang grupo sa pamamagitan ng isang hotdog eating challenge na may cash prize.
Sa kanyang latest vlog, ipinakita ni Boss Keng ang hamon na nagmula sa isang video na napanood niya sa Facebook, kung saan kailangang maubos ng mga kalahok ang limang hotdog sa loob ng isang minuto upang makapag-uwi ng P1,000.
Bilang bahagi ng kanilang aktibidad, hinamon ni Boss Keng ang kanyang mga kasama na ubusin ang limang hotdog sa loob lamang ng isang minuto kapalit ng P1,000. Gayunpaman, naging mas mahirap ang hamon dahil kailangang kainin ang mga hotdog habang mainit pa ang mga ito mula sa pagkakaluto.
Kabilang sa mga sumubok ang Team Payaman members na sina Nelson Mendoza, a.k.a. Sonny J, Nigel Tagle, at Michael Magnata, a.k.a. Mentos.
Unang sumabak si Nelson, na nahirapang nguyain ang hotdog dahil sa init nito. Sinubukan naman ni Nigel na isawsaw sa tubig ang kanyang hotdog upang mapalamig ito, habang gumamit si Mentos ng tinapay upang mas madaling kainin ang sa kanya. Sa kabila ng kanilang mga diskarte, walang nakatapos sa hamon sa loob ng itinakdang oras.
Dahil sa hirap ng challenge, napagpasyahan ding subukan ito ni Boss Keng upang maranasan mismo ang sitwasyon ng kanyang mga kasama. Gaya ng mga naunang kalahok, nahirapan din siyang kumain ng mainit na hotdog bago matapos ang isang minuto.
Sa huli, walang nakakuha ng P1,000 na premyo. Ayon kay Boss Keng, maaari nilang subukang gawin muli ang challenge sa kanilang bahay sa susunod, ngunit may mas madaling rule, kabilang ang pagkain ng isang hotdog sa loob ng 30 seconds.
Samantala, naghatid naman ng katatawanan sa netizens ang naging diskarte ni Mentos sa challenge, na tila nagmeryenda lamang sa halip na makipagpaligsahan.
@nnnaaamicz: “Sauce na lang kulang kay Mentos. Hahaha!”
@TheFarmhouseTablee: “Hahahaha! Nag meryenda lang si Mentos, eh.”
@maryjanerosesanpedro2629: “Hahahahaha! Laughtrip!”
Watch the full vlog below:
Excited na ibinahagi ng Team Payaman vlogger na si Viy Cortez-Velasquez ang mga panibagong tagpo…
Hindi man mahilig sa basketball si Mavi, sinubukan pa rin niya ang naturang sport bilang…
In less than 50 days, Team Payaman Fair will once again open its doors for…
Halloween is often associated with costumes, colorful decorations, and a little bit of spooky fun.…
Halakhak ang hatid ni Boss Keng nang muli niyang pinrank ang mga kasamahan kasama ang…
Paano nga ba makakapasok si Genggeng sa PBB House? Alamin sa latest ‘AROAYKO’ vlog ni…
This website uses cookies.