Sa gitna ng pagiging abala sa araw-araw, sinubukan ni Boss Keng na baguhin ang kanyang routine sa pamamagitan ng pag-eehersisyo at paglalaan ng oras para sa kanyang mga anak na sina Isla at Ulap.
Sa kanyang latest vlog, ibinahagi ng Team Payaman vlogger na si Exekiel Christian Gaspar, a.k.a. Boss Keng, ang pagsisimula niya ng bagong fitness routine.
Ayon kay Boss Keng, nais niyang baguhin ang nakasanayan niyang pang-araw-araw na gawain. Umaasa siyang magiging bahagi na ng kanyang regular na routine ang pag-eehersisyo at hindi lamang ito pang-isang araw.
Bukod sa pagnanais na magkaroon ng mas aktibong lifestyle, sinabi ni Boss Keng na gusto niyang palakasin ang kanyang katawan habang lumalaki ang kanyang mga anak.
Kaya naman, nagtungo siya sa RA Fitness para sa kanyang unang workout session kasama ang personal coach. Sa kanilang session, sumailalim siya sa warm-up at iba’t ibang exercise na nakatuon sa pagpapalakas at pagpapahusay ng kanyang mobility.
Inamin ni Boss Keng na nahihirapan pa siyang gawin ang mga tamang form dahil unang beses pa lamang niyang subukan ang mga exercise. Gayunpaman, umaasa siyang makatutulong ang regular na pag-eehersisyo upang mapabuti ang kanyang lakas, bilis, at liksi sa paglalaro ng pickleball.
Pagkauwi, naglaan naman si Boss Keng ng oras para makasama ang kanyang mga anak na sina Isla at Ulap.
Inaya niya ang mga bata na maligo sa labas ng kanilang bahay gamit ang water hose, na sinundan ng pagbibisikleta sa labas. Sa kanilang bike ride, hinikayat ni Boss Keng sina Isla at Ulap na magkarera habang binabantayan ang kanilang paggalaw.
Sa huli, nagtungo rin sila sa playground, kung saan naglaro ang magkapatid sa mga slide at sumakay si Ulap sa isang maliit na kotse. Nakisali rin si Boss Keng sa kanilang mga aktibidad bilang bahagi ng bonding nilang mag-aama.
Samantala, kinagiliwan naman ng netizens ang pagkakahawig nina Isla at Ulap sa kani-kanilang magulang at nagpahayag ng suporta sa pamilya.
@samanthadejesus6632: “Tig-isa talaga sila ng kamukha ni Mama Pat. Ang ku-cute ng mga mini me.”
@123Eeesmayl: “More of this please.”
@bretheartgregorio1886: “Power sa inyo, Team PatEng.”
Watch the full vlog below:
Isang simpleng family trip sa Japan ang naging pagkakataon ng Team Payaman mom na si…
Isang masayang pagbabalik-tanaw sa kabataan at mga kwentong puno ng tawanan ang hatid ng bagong…
Mas pinainit ang pinakabagong episode ng Galit-Galitan Podcast ng social media personality na si JB…
Bago isalang ang kanyang Baby Austin, sumangguni ang soon-to-be daddy na si Kevin Hermosada kina…
Isang hindi inaasahang surprise guest ang bumulaga sa Team Payaman member na si Dudut Lang…
As Viyline and Team Payaman Fair 2026: VIYond the Beat take the spotlight, a moving…
This website uses cookies.