Nilinaw ng Team Payaman vlogger na si Vien Iligan-Velasquez ang kalagayan ng kalusugan ng asawang si Junnie Boy bago ang kanilang Vietnam trip.
Alamin ang latest health update ni Junnie Boy at kung anu-ano ang mga tagpo sa kanilang nagdaang Vietnam trip.
Junnie’s Health Update
Sa kanyang latest vlog, ibinalita ni Vien Iligan-Velasquez ang kalagayan ng balikat ng asawa niyang si Marlon Velasquez Jr., a.k.a Junnie Boy.
Taong 2022 nang unang ma-injure ang balikat ni Junnie matapos ang kasiyahan sa Payamansion 2—bagay na ikinagulat ng marami.
Matapos ang apat na taon, muling na-injure ang balikat ni Junnie matapos ang paglalaro ng pickleball, dahilan kung bakit kinailangan siyang isugod sa Emergency Room.
“Nadislocate kasi ulit ‘yung balikat ko guys,” kwento ni Junnie sa mga manonood.
Hands-on naman ang asawa niyang si Vien sa pag-aalaga at pag-aaruga sa kanya habang siya ay nasa emergency room.
Pagkatapos ng kanilang Vietnam trip ay tsaka naman paplanuhin ang kanyang surgery para sa kanyang balikat.
Vietnam AdVIENture
Sa kaparehong vlog, ibinahagi rin ni Vien ang mga tagpo matapos ang kanilang quick Vietnam trip kasama ang ilang Team Payaman members.
Ikwinento ni Vien na isa sa dahilan ng kanilang paglipad sa Vietnam ay upang makapaglaro ng Pickleball kaya’t una silang namili ng ilang equipments bago sumalang sa paglalaro.
Hindi rin pinalampas ng kanilang grupo na bisitahin ang ilang mga sikat na pook-pasyalan gaya ng The Cafe Apartment sa Ho Chi Minh City.
Kaliwa’t kanan din na food trip at pagsa-shopping ang ginawa nina Vien at ilang TP members sa kanilang pamamalagi sa nasabing lugar.
Watch the full vlog below:
