COLN Members Share Their Favorite Metal Bands in a Question and Answer Segment

Sa isang question-and-answer segment, ibinahagi ng mga miyembro ng Filipino rap-rock at metal band na COLN ang kanilang mga paboritong metal bands at ilan sa mga kantang malaki ang naging impluwensiya sa kanilang musical preferences.

COLN Q and A

Sa isang Facebook post, ibinahagi ni Lincoln Velasquez, a.k.a. Cong TV, ang Metallica bilang kanyang paboritong metal band at sinabayan ito ng maikling pag-awit ng bahagi ng ‘Master of Puppets,’ isa sa mga pinakakilalang awitin ng grupo.

Kasunod nito, ibinahagi ni Gio Herrera na Iron Maiden ang kanyang paboritong banda at inawit ang bahagi ng ‘Hallowed Be Thy Name.’

Samantala, pinili ni Dale Jairus ang British metalcore band na Architects at inawit ang bahagi ng kanilang kantang ‘Doomsday.’ Sinundan naman ito ni Nins Denso, na ibinahagi ang kanyang paghanga sa Slipknot sa pamamagitan ng pag-awit ng bahagi ng ‘Psychosocial.’

Para naman kay Yow Andrada, nananatiling paborito niya ang American metal band na Mudvayne. Nagbigay siya ng maikling pag-awit ng ‘Dig,’ isa sa mga kilalang awitin ng banda.

Sa kabilang banda, nagbiro si Awi Columna tungkol sa edad ng ilan sa kanyang mga kabanda bago sabihing mas hilig niya ang mga bagong banda. Bilang pagpapakita nito, pinili niya ang Falling in Reverse at inawit ang bahagi ng ‘God Is a Weapon.’

Netizens’ Comments

Umani naman ng positibong reaksyon mula sa mga tagahanga ang naturang Q & A, kung saan marami ang nagpahayag ng pagkatuwa sa mga musical influences ng COLN at sa pagpili nila ng kani-kanilang paboritong metal bands.

Gladwin Balaquidan Arcega: “Simula nung mabuo ang COLN, ito na pinaka favorite kong Metal na banda.”

Weiland Bocalbos: “Favorite all time? Metallica! [I] saw them once and want to see them live again! [My] current favorite gym jam is groove metal such as Lamb of God, Pantera, Sepultura, and the likes!”

Wilmer Rubio: “Been fan of Falling In Reverse noong nandon pa si Jacky Vincent. Para sa’kin [sa] generation ko, siya ‘yung pinaka malupit na gitarista.”