Isang taga-suporta ang nagregalo ng guhit-kamay na portrait ng ilang Team Payaman kids na sina Kidlat, Tokyo, Mavi, at Viela.
Alamin ang reaksyon hindi lamang ng TP Kids, kung hindi pati na rin ng kanilang mga magulang sa malikhaing regalong handog ni Luigie Garcia.
TP Kids’ Portraits
Kilala ang Team Payaman fan na si Luigie Garcia online dahil sa kanyang hilig sa pagguhit ng mga litrato ng ilang mga personalidad kabilang na ang Team Payaman kids na sina Kidlat, Tokyo, Mavi, at Viela.
Sa kanyang TikTok video, isa-isa niyang ipinasilip ang naging proseso ng kanyang pagguhit ng mga litrato ng mga bata gamit lamang ang lapit at ang kanyang 22 x 28’ canvas.
“I think deserve niya rin ito [ni Cong TV] dahil 2018 pa lang ay pinapanood ko na siya. Malay niyo ‘di ba? Kung papalarin, sana maibigay ko ‘to sa kanya,” ani Luigie.
Sa isang bukod na reel, kanya namang ipinasilip ang proseso ng kanyang pagguhit ng litrato nina Mavi at Viela.
The Reactions
Matapos ang ilang buwang pagguhit, nabigyan ng pagkakataon si Luigie na maiabot ang mga nasabing portrait kay Cong TV.
Sa isang mini vlog, ibinahagi ni Luigie ang mga tagpo at natatanging reaksyon ni Cong TV sa kanyang mga obra.
“Ay wow! Grabe! Doon sa look ng [mga] picture na ginawa sa akin, ito ‘yung pinaka accurate!” hindi makapaniwalang reaksyon ni Cong.
Personal ding nasilip nina Kidlat at Tokyo ang kanilang mga self-portraits.
Matapos ibahagi kay Cong ang litrato ng mga anak, sunod namang nagtungo si Luigie sa bahay ng Pamilya Iligan-Velasquez upang personal na iabot ang kanyang guhit nina Mavi at Viela.
Una nang inusisa ni Vien ang naging proseso ng pagguhit ng kanyang mga anak. Hindi maipagkaila ang kanyang paghanga kay Luigie.
“Ang galing mo!” ani Vien.
‘
