Kamakailan, opisyal nang inilabas ng singer-songwriter at content creator na si Kevin Hermosada ang kanyang pinakabagong kanta na pinamagatang ‘Disney,’ kasunod ng music video na tampok ang kanyang asawa na si Abigail Campañano-Hermosada.
Sa isang Facebook post, ibinahagi ni Kevin Hermosada ang kanyang pinakabagong kanta na ‘Disney’ —isang personal na komposisyon na sumasalamin sa simpleng saya at mga alaala ng kabataan, gamit ang ‘Disney’ bilang simbolo ng mga pangarap at mahahalagang sandali.
Kaugnay nito, ipinahayag ni Kevin ang kanyang tuwa sa paglabas ng awitin at ang pag-asang masusundan pa ito sa mga darating na buwan.
“Legit ‘yung saya ko na nakapag labas ng kanta ngayong buwan. Sana next month ulit,” ani Kevin sa hiwalay na post.
Ang produksyon ng ‘Disney’ ay pinangunahan nina Angelika Lois, a.k.a. JikaMarie at Keneth Ponce, na tumulong sa pagbuo ng himig at tunog upang mas maiparating ang mensahe at damdamin ng komposisyon.
Matapos ilabas ang nasabing kanta, sinundan ito ng official music video na tampok ang mag-asawang Kevin at Abigail Campañano-Hermosada, na kinunan sa Disneyland Hong Kong. Ang kwento ng music video ay orihinal na isinulat ni Kevin, habang si Agabus Maza naman ang nagdirek nito.
Sa kasalukuyan, ang ‘Disney’ ay mapapakinggan na sa Spotify, habang ang music video ay mapapanood sa opisyal na YouTube channel ni Kevin.
Samantala, umani ng positibong komento ang inilabas na kantang ‘Disney,’ kung saan marami ang nagpahayag ng paghanga kina Kevin at Abi, pati na rin sa kalidad ng kanta at music video.
@dk_is_yiels: “Galing ni boss Kevs! Sobrang ganda talaga ni ate Abi!”
@bgms2233: “Solid ka talaga!”
@cccandyyy: “Wow! Ang ganda! Congrats, Kevs!”
@vinsancheese9012: “Nakaka-lss, Kevs. Haha! Congrats! More songs this 2026!”
@zelovesguk-ong1715: “Nasa spotify playlist ko na po, kuya Kevs! Solid!”
Watch the full vlog below:
Hindi lang busog ang tiyan kundi busog din sa rebelasyon ang mga manonood matapos…
Summer is all about sunshine, road trips, beach days, and food adventures — but finding…
Isang legendary vlog ang hatid ng Team Payaman Wild Dogs, Y Kulba, at Team Harabas…
Cong TV’s clothing brand, known as ‘Team PYMN,’ officially added two more designs to its…
Isang hindi inaasahang pagsasama-sama ng iba’t ibang personalidad ang mapapanood sa bagong episode ng vlog…
Get ready to serve, smash, and score at the highly anticipated Playhouse Pickleball Tournament happening…
This website uses cookies.