Masayang ibinahagi ng Team Payaman vlogger na si Burong sa kanyang mga manonood ang mga kaganapan sa ‘Sun2Kan sa SkyDome,’ isang malaking comedy event na pinangunahan ng Pencilbox Comedy para sa kanilang ikalawang anibersaryo.
Sa kanyang bagong vlog, makikita ang ilang pasilip sa kulitan at paghahanda ng mga komedyante bago magsimula ang naturang show.
Sa unang bahagi ng vlog, ibinahagi ni Aaron Macacua, a.k.a. Burong, ang kanyang paghahanda bago ang ‘Sun2Kan sa Skydome,’ kabilang ang pamimigay ng mga ticket sa ilang kaibigan mula sa Team Payaman kabilang na ang mag-asawang Cong TV at Viy Cortez-Velasquez bilang regalo para sa kaarawan ni Cong.
Sa kanyang biyahe papuntang Skydome, ipinaliwanag ni Burong na maaga ang kanilang call time para sa rehearsal at makeup preparation. Pagdating sa nasabing venue, ipinakita niya ang lawak nito at ang mga paghahanda kasama ang iba pang performers.
Kasunod nito, nakasama ni Burong ang beteranong komedyante na si Herman Salvador Jr., a.k.a. “Brod Pete,” na isang special guest ng event.
Makikita rin sa vlog ang masayang kulitan ng mga cast bago magsimula ang palabas, pati na rin ang pagdating nina Cong, Viy, at Genggeng upang magbigay ng suporta sa Pencilbox.
Bago magsimula ang programa, ipinakita rin ang mahabang pila ng mga manonood sa labas ng SM North Edsa Skydome. Sa huling bahagi ng vlog, ipinasilip ni Burong ang ilan sa mga eksenang puno ng tawanan kabilang ang witty performance ni Brod Pete at iba pang komedyante.
Samantala, maraming netizens ang nagpaabot ng pagbati kay Burong at sa buong Pencilbox Comedy casts, at umaasang magkakaroon pa ng susunod na live show.
@jadeangelopatron500: “Pati SPIT Manila nanonood. Power!”
@chriz819: “Congrats, Burong! I love watching Pencilbox Comedy. Isa ‘to sa rason kung bakit matagal ako sa CR. Hahahahaha!”
@MochiMochi-b8x: “Sana masundan ulit ‘to Gusto ko din manood ng live.”
@bretheartgregorio1886: “Power sa’yo, Boss Burs!”
@ettykett: “Congrats, Burong and the whole team of Pencilbox. More power to you guys and more sponsors. Gawa kayo story paano nabuo ang Pencilbox.”
Watch the full vlog below:
Step into the world of captivating fragrances with Ivy Cortez-Ragos as she explores Perfume House…
Hindi maitatanggi na malakas na impluwensya ng Viyline CEO and Founder na si Viy Cortez-Velasquez…
Masayang ipinagdiwang ng pamilya Cortez-Velasquez at ilan sa kanilang mga malalapit na kaibigan at mga…
To mark a stronger year ahead, Viyline Group of Companies announces its relocation to provide…
Matapos ang kanilang beach getaway, namasyal naman ang pamilya Velasquez-Gaspar sa Dinosaur Island sa Clark,…
It is truly an exciting year for the entire Cortez-Velasquez family as they continue to…
This website uses cookies.