Sa gitna ng mga espekulasyon at tanong kung bakit tila bihira na siyang makita online, muling nagbahagi ng kwento si Yow Andrada sa kanyang pinakabagong vlog.
Tunghayan ang kanyang pagsugpo sa mga haka-haka pagdating sa kanyang karera bilang isang vlogger. Simple at direkta ang mensahe niya: “Andito lang ako.”
Sa kanyang bagong vlog, Ibinahagi ng Team Payaman vlogger na si Yow Andrada na mas madalas na siyang nananatili sa Compound, kung saan abala siya sa mga simpleng gawain.
Ilan sa mga pinagkaka-abalahan n’ya ngayon ay ang paglalaro ng basketball, paglalaro ng Marvel Rivals, pag-inom ng kape, at minsang pagtulala sa kalangitan.
“Routine na yung ginagawa ko, pero hindi naman ako nagsasawa. Nauubos lang talaga oras ko sa kaka-basketball, kakalaro, kakatingin sa langit,” aniya.
Para kay Yow, hindi kailangang maging magarbo ang bawat araw. “Minsan, gusto mo lang maramdaman na buhay ka,” dagdag niya habang ikinukwento ang kanyang mga tahimik na sandali.
Isa sa mga puntong binigyang-diin ni Yow ay ang tungkol sa mga maling akala ng ilan na siya ay nawala, nagbago, o may pinagdadaanan. Ipinaliwanag niya ang pinagmulan ng salitang assume, na mula sa Latin na assumo na nangangahulugang “accept” o “take.”
“Kapag nag-a-assume ka, para mo na ring tinatanggap ang isang ideya kahit wala kang concrete na proof. Delikado rin kasi parang nagiging accusing,” paliwanag niya.
Dagdag pa niya, hindi dahil hindi siya aktibo online ay nagbago na siya. “Life just happens. Minsan, tahimik lang talaga ako. Hindi ibig sabihin na wala ako.”
Sa pagtatapos ng vlog, nilinaw ni Yow na patuloy lang siyang nagbabago. “Hindi ako nawala, hindi ako nagbago. Nage-evolve lang—nagpapahinga, gumagawa ng art, nakikinig sa ulan, bumibili ng kape,” ani Yow.
Kasabay nito, nagpasalamat siya sa mga patuloy na sumusubaybay at sumusuporta, kahit hindi siya palaging abala sa social media.
Para kay Yow, sapat na ang simpleng reyalisasyon: hindi lahat ng hindi nakikita ay naglaho.
Watch the full vlog below:
Mas naging masaya at mas makulit ang bagong vlog ni Clouie Dims matapos niyang makasama…
Kilala si Yiv Cortez bilang bunsong kapatid ni Viy Cortez-Velasquez, ngunit lingid sa kaalaman ng…
Ginulat ng Team Payaman vlogger na si Viy Cortez-Velasquez ang mga manonood nang ilabas niya…
Matapos ang ikapitong kaarawan ni Mavi noong Nobyembre, sunod namang ipinagdiwang ng pamilya Iligan-Velasquez ang…
Cuteness overload ang hatid ng anak nina Pat Velasquez-Gaspar at Boss Keng na si Isla…
Ngayong kapaskuhan, muling ipinasilip ng Team Payaman mom na si Vien Iligan-Velasquez ang kanilang taunang…
This website uses cookies.