Team Payaman Kids’ Mavi and Viela Spend Quality Time with Their Parents

Sa simpleng sorpresa at sweet bonding moments, napasaya ng mag-asawang Junnie Boy at Vien Iligan-Velasquez ang kanilang mga anak na sina Kuya Mavi at Viela.

Mula sa pagbili ng regalo para kay Kuya Mavi hanggang sa makeup session nina Mommy Vien at Viela, ipinakita ng pamilya Iligan-Velasquez ang kahalagahan ng pagbibigay ng oras, atensyon, at pagmamahal sa isa’t isa.

Daddy Junnie Surprises Mavi

Hindi man natuloy ang swimming tournament ng kanyang panganay na anak na si Von Maverick Velasquez, a.k.a. Kuya Mavi, hindi ito naging hadlang kay Marlon Velasquez Jr., a.k.a. Junnie Boy, na bigyan ng reward ang anak.

Sa kanyang Facebook post, ibinahagi ni Daddy Junnie na halos isang buwan nag-ensayo si Kuya Mavi at pansamantalang isinantabi pa ang paggamit ng gadgets para makapaghanda sa nasabing tournament. 

Bilang pagkilala sa dedikasyon ng anak, naisipan niyang bilhan ito ng matagal na niyang hinihiling na Nintendo Switch.

“So ngayon, bilhan natin ng regalo si Mavi boy. Dahil bagamat hindi natuloy ang kanyang swimming, nakita naman natin ang pagpupursige nung bata para mag-practice,” ani Daddy Junnie sa vlog.

“Tapos no gadgets at all talaga siya, kasi naghahanda nga siya sa tournament. Pero dahil tapos na yung tournament at hindi natuloy, ang regalo na lang natin sa kanyang pagpupursige ng isang buwan ay [Nintendo] Switch na lang muna,” dagdag pa niya.

Sa kabila ng kawalan ng swimming game, pinili ni Daddy Junnie ang sports-themed game card na may iba’t ibang sports gaya ng volleyball, tennis, chambara, at iba pa. Ayon sa kanya, baka sa pamamagitan nito ay matuklasan ni Kuya Mavi ang iba pang sports na maaaring magustuhan niya.

Nang iabot ni Daddy Junnie ang regalong Nintendo Switch sa anak bago sila kumain kasama sina Mommy Vien, makikita ang tahimik pero halatang masayang reaksyon ni Kuya Mavi.

Sa muling pagtatanong ni Daddy Junnie kung masaya siya, isang simpleng thumbs up at halik sa pisngi ng ama ang naging sagot ni Kuya Mavi.

Mother-Daughter Makeup Session

Sa hiwalay na Facebook post, girl bonding naman ang eksena ng mag-inang Alona Viela at Vien Iligan-Velasquez. Sa simpleng unboxing ng kanyang kauna-unahang Frozen-themed makeup kit, hindi maitago ni Viela ang kanyang excitement.

Mula sa pink eyeshadow hanggang sa nail polish, kitang-kita ay kanyang pagkagalak habang inaayusan ng kanyang Mommy Vien.

Sa huli, proud na ipinakita ni Viela sa harap ng kamera ang kanyang final look na gawa ni Mommy Vien, mula sa ayos ng kanyang mukha hanggang sa kulay ng mga kuko, habang nakangiting tinuturuan siya ng kanyang Mommy kung paano humarap sa kamera.

Angelica Sarte

Recent Posts

Get Double the Glam with Viyline Cosmetics’ Buy 1 Take 1 Promo

Ready to upgrade your makeup collection? Viyline Cosmetics is giving beauty lovers a treat with…

13 hours ago

Viy Cortez-Velasquez Brings Luck to the Kitchen with Recent ‘Cooking Ina’ Episode

Sa isa na namang episode ng ‘Cooking Ina’ serye ni Viy Cortez-Velasquez, good vibes at…

20 hours ago

Is the ‘Team Payaman’ Movie Coming to Life? Yow Andrada Teases Viewers in Vlog

Isang nakakatuwang balita ang hatid ng Team Payaman content creator na si Yow Andrada sa…

3 days ago

Sachzna Laparan Proudly Shares Her Home Built from Years of Hard Work

Matapos ang ilang buwang paghihintay, ibinahagi na ng content creator at actress na si Sachzna…

5 days ago

Team Payaman’s Dudut Lang Levels Up Crocodile Meat in Latest Vlog

Isa na namang kakaibang lutuin ang hatid ni Jaime Marino de Guzman, a.k.a Dudut Lang,…

6 days ago

Viy Cortez-Velasquez and Kidlat Share Fun Moments in Recent Food Adventure

‎‎ Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…

6 days ago

This website uses cookies.