Team Payaman Girls Are Owning Their Pickleball Era

Bukod sa TP kids, hindi rin nagpahuli ang ilang Team Payaman members pagdating sa pagiging aktibo.

Tunghayan ang pagkahumaling ng nasabing vlogger group sa paglalaro ng Pickleball!

Pickleball

Ang paglalaro ng pickleball ay nauuso dahil bukod sa pisikal na benepisyo nito, isa rin ang pagkakaroon ng bonding kasama ang mga kaibigan at pamilya ang ipinapangako nito.

Ang larong ‘pickleball’ ay nagmula sa United States of America, at tuluyan nang nakilala sa iba’t-ibang mga bansa.

Ang paglalaro nito ay maihahalintulad sa paglalaro ng padel o hindi naman kaya’y paglalaro ng tennis.

Sa kasalukuyan, ang paglalaro ng pickleball ay isa sa mga pangunahing bonding ng Team Payaman girls tuwing gabi.

Una nang naglaro sina Clouie Dims, Tita Krissy Achino, Kevin Hufana at Jopearl Page, na sila naman ding sinundan nina Vien Iligan-Velasquez, Pat Velasquez-Gaspar, at Venice Velasquez.

TP Girls x Pickleball

Bagamat baguhan pa lang sa paglalaro, kitang kita na ang pagkahumaling ng Team Payaman Wild Cats sa pickleball. 

Isa na si Clouie Dims sa nagbahagi ng kanyang progreso pagdating sa paglalaro ng nasabing sports.

“Still getting the hang of it,” aniya sa kanyang Instagram post.

Hindi rin nagpahuli si Vien Iligan-Velasquez na nagbahagi ng kanyang active wear OOTD matapos maglaro ng pickleball.

“Pilates flow, pickleball go!” saad niya. 

Samantala, labis naman ang paghanga ng kanyang kapwa TP members sa galing ni Pat Velasquez-Gaspar sa paglalaro.

Naihalintulad din ni Vien ang hipag na si Pat kay Maria Sharapova, isang tanyag na Tennis Player.