Clouie Dims Shares Must-Try Food Spots in BF Homes Subdivision

Isa ngayon ang pagfu-foodtrip ang hatid ng Team Payaman vlogger na si Clouie Dims kasama sina Genggeng at Igme.

Samahan sina Clouie, Genggeng, at Igme sa paghahanap ng mga must-try food spots sa loob ng BF Homes Subdivision!

BF Homes Foodtrip

Sa kanyang bagong vlog, isinama ni Clouie Dims sina Kevin Cancamo, a.k.a Genggeng, at Cedric Sunga, a.k.a Igme sa isang kwelang foodtrip.

Bukod sa pangkaraniwang pagsubok ng iba’t-ibang pagkaing matatagpuan sa nasabing lugar, binigyan ng hamon ni Clouie ang mga kasama pagdating sa pagba-budget.

Kinakailangan ay maipagkasya nina Clouie ang kanilang P2000-budget pagdating sa pagbili ng kanilang mga kakainin.

Tinawag ni Clouie na ‘Powerpuff Girls’ ang kanilang grupo dala ng kulay ng kanilang mga suot —pink, green, at blue.

La Guada

Una nilang sinubukan ang La Guada, isang Mexican food restaurant. Naisipan nina Clouie na umorder ng Beef Birria na sakto sa kanilang tatlo. Nagkakahalaga ito ng P460.

“Ang sarap! The best talaga ‘yung Birria sa La Guada!” komento ni Clouie.

Sweet Ecstasy

Sunod namang binisita ng grupo nina Clouie ang Sweet Ecstasy na kilala sa kanilang masarap na burger selections.

Sa tagpong ito, nilibre na ng nobyo ni Clouie na si Jaime Marino de Guzman, a.k.a Dudut Lang ang Powerpuff Girls upang ma-enjoy nila ang kakaining burger.

Hindi magkamayaw sina Genggeng, Igme at Clouie sa sarap ng kanilang kinakain. Kanila ring ipinares ang burger sa french fries.

Sweet Treats

Para naman sa kanilang dessert, dumayo sina Clouie, Genggeng, at Igme sa Good Pastry Cafe.

Kanya-kanyang pili ang Powerpuff Girls ng kanilang nais kainin gaya ng Biscoff Bread, Croissant, at marami pang iba.

La Chinesca & Sensei

Para sa kanilang last stop, nagtungo ang kanilang grupo sa La Chinesca at Sensei, isang Mexican at Japanese fusion restaurant.

Sinubukan ng kanilang grupo ang sushi pati na rin ang birria at tacos na talaga namang kanilang ikinatuwa.

Watch the full vlog below: