Isang nakakakilig at feel-good date ang ibinahagi ni Vien Iligan-Velasquez sa kanyang bagong YouTube vlog kung saan sinorpresa niya ang asawa n’yang si Junnie Boy ng isang buong araw na “prince treatment.”
Kilala si Vien sa pagiging maalaga at mapagmahal na ina, pero sa pagkakataong ito, pinatunayan niyang kaya rin niyang bigyan ng all-out effort ang kanyang asawa bilang pasasalamat at pagmamahal.
Sa simula ng kanyang vlog, ibinahagi ng Team Payaman mom na si Vien Iligan-Velasquez ang kanyang inspirasyon sa likod ng sorpresa para sa asawang si Marlon Velasquez Jr., a.k.a Junnie Boy.
Ayon kay Vien, kadalasan ay ang mga babae ang nakararanas ng “princess treatment,” kaya naisip niyang bigyan naman ng “prince treatment” si Daddy Junnie bilang pasasalamat sa pagiging mabuting asawa at ama.
Ipinakita rin niya ang effort na inilaan para maitago ang plano mula sa asawa, kabilang na ang pagtatago ng kanyang sapatos at pantalon para hindi mahalata ang lakad.
Una nang nagtungo ang Team Payaman couple sa isang salon upang makapaghanda si Daddy Junnie para sa kanilang date. Kasunod nito, dumaan naman sila sa isang department store upang makapili ng maisusuot si Junnie.
Walang ideya si Junnie sa tunay na plano ni Vien, kaya kitang-kita sa video ang pagiging curious niya habang tinatanong kung saan ba sila pupunta.
Sa kabila ng mga hirit ni Junnie na baka ito ay prank o takutan, agad naman itong itinanggi ni Vien para mapanatag ang asawa.
Pinuno ng saya at good vibes ang kanilang date nang makarating sila sa concert ng Boyz II Men, isang grupong matagal nang iniidolo ni Vien.
Bagama’t hindi sigurado kung fan din si Junnie, ramdam ang saya ng kanilang husband-and-wife concert experience.
Sa bandang huli, ibinahagi ni Junnie na masaya siya dahil nagkaroon sila ng oras na magkasama.
“Saya. Chill lang. Pero happy lang. Feel good. Ayan siya. ‘Yun pala ‘yung [tamang] term. Feel good.” kwento ni Daddy Junnie.
“Masaya naman ako [na] nakapag-date tayo. ‘Yan ‘yun. Masaya ‘yun. Nakapag-date tayo. Feel good lang ‘yun.” dagdag niya pa.
Samantala, umani ng maraming papuri at kilig reactions mula sa netizens ang surprise date na inihanda ni Mommy Vien para kay Daddy Junnie.
@airamendoza8612: “Reality about this video: Junnie is treating Vien the way she deserves, that’s why she did this. Women’s love language is reciprocating. Happy wife = happy life!”
@jazsmilekhai: “‘Holding hands nga tayo’ ugh. Too soft for this. ‘Yung itsura ni Junnie doon parang sa isip isip niya, “ang swerte ko sa asawa ko”. When kaya?”
@therese8406: “Ito talaga ang real goal… masayang asawa, anak, at pamilya. Lahat nabibigyan ng equal attention. Loved this vlog, Ms. Vien.”
Watch the full vlog below:
Bukod sa pagiging kilalang miyembro ng Team Payaman, unti-unting bumubuo ng pangalan Genggeng sa mundo…
Patuloy sa pagbabahagi ng food content ang Team Payaman member na si “Dudut Lang,” sa…
Dahil nalalapit na ang inaabangang kasalan ng vlogger na si Zeinab Harake at fiancé n’yang…
Matapos ang mahigit isang dekadang pagmamahalan, opisyal nang ikinasal ang internet personality na si Joel…
Sa pinakabagong vlog ni Papa Shoutout, masaya niyang ibinahagi ang progreso ng kanilang pinapagawang farmhouse…
Isang quick at masayang out-of-town trip ang hatid nina Vien Iligan-Velasquez at Junnie Boy para…
This website uses cookies.