Ngayong summer, todo suporta ang Team Payaman mom na si Vien Iligan-Velasquez sa pagdiskubre ng bagong interes ng anak niyang si Alona Viela I. Velasquez.
Sa kanyang bagong vlog, ibinahagi niya ang mga trial classes na sinubukan ni Viela, pati na rin ang kauna-unahang school trip ng kanyang anak.
Ngayong bakasyon, naging layunin ng mom of two na si Vien Iligan-Velasquez na matukoy kung anong klase ng extracurricular activity ang pinaka angkop sa bunso nila na si Viela.
Bagama’t sinubukan muna nila ang ballet, mas nakitaan niya ng potensyal ang anak pagdating sa gymnastics.
Kwento ni Mommy Vien, likas na maligalig at aktibo si Viela kung kaya’t tila mas nahihilig ito sa mga physical activities gaya ng pagtakbo at pagtalon.
Bukod pa rito, mas pabor siya sa gymnastics dahil mas maraming batang nakakasalamuha ang kanyang anak kumpara sa ballet na duo setup.
“Yung ballet niya, iba ‘yung steps na ginagawa niya. Kaya parang ligwak siya sa ballet. At saka, ang problem pala namin, duo kaming dalawa, kasi nga two years old pa lang siya. So magiging solo lang siya kapag four [years old na],” kwento ni Mommy Vien.
“Eh ngayon, dahil duo, wala pa daw masyadong nag-e-enroll ng duo. Mag-isa lang kami. Isa lang kami doon sa session. [Hindi] katulad nitong gymnast, marami siyang kahalubilong bata.” Dagdag pa nito.
Isa pang consistent na activity ni Viela ay ang paglalangoy. Ayon kay Mommy Vien, parte na ng weekly routine ng magkapatid na Mavi at Viela ang kanilang swimming lessons, na itinuturing niyang mahalagang survival skill para sa mga anak.
Hindi lang mga indoor activities ang na-experience ni Viela, dahil sa vlog ay ipinakita rin ang kanyang first ever exposure trip sa Yoki’s Farm kasama ang kanyang mga magulang na sina Daddy Junnie at Mommy Vien.
Kasama si Teacher Faye mula sa kanyang homeschool program, nakasama rin sa educational trip ang kanyang dalawang pinsan na sina Kidlat, Isla, pati na rin ang ibang homeschool kids.
Samantala, umani ng maraming reaksyon at papuri mula sa mga netizens ang latest vlog ni Mommy Vien.
@shielabuenaventura0301: “Grabe, si Vien talaga ‘yung vlogger na nakaka-inspire ang buhay kahit naging mommy na.”
@Mica0842: “Ang cute. Tama yan. I-expose sa mga sports ang bata para [ka]pag nagustohan niya, dun [siya] mag [fo]-focus.”
@JojiStaMaria-nz9hi: “Ang calming ng vlog mo, ate Vien. Featuring your kids.”
@kennycornkid: “May potential naman sa ballet, eh… ‘yung tatay (Daddy Junnie).”
Watch the full vlog below:
Following the release of their successful TEAM PYMN: Headbang collection earlier this year, Cong Clothing…
Kilala si Eri Neeman bilang isa sa mga tanyag na wedding hosts sa bansa na…
Want that luxurious "amoy mayaman" vibe without emptying your wallet? Achieve a refined and luxurious…
Makalipas ang halos apat na buwan, ginulat ng Team Payaman headmaster at content creator na…
Sa isang bagong IG reels upload, muling naghatid ng kaalaman ang resident Team Payaman doctor…
Bukod sa pagiging kilalang miyembro ng Team Payaman, unti-unting bumubuo ng pangalan Genggeng sa mundo…
This website uses cookies.