Sa pinakabagong episode ng must-try food series ng Team Payaman power couple na sina Clouie Dims at Dudut Lang, sinubukan naman nila ang mga sikat na pagkain na mabibili mula sa TikTok Shop.
Alamin kung ano-ano nga ba ang pasok sa panlasa at budget na TikTok-trending snacks para kina Dudut at Clouie.
Ang 20-minute long na YouTube vlog ng Team Payaman Wild Cat na si Clouie Dims ay binubuo ng sampung iba’t ibang pagkain na nahati sa limang uri ng lasa: matamis, maanghang, maasim, at maalat.
Ibinida nina Clouie ang pagiging abot-kaya ng mga meryendang ito at swak na pambaon para sa mga mahahabang biyahe.
Unang sinubukan nina Dudut at Clouie ang “Fruit and Vegetable Chips” na nabibilang sa kategoryang maalat, na nabili anila sa halagang P135.
Ilan pa sa kanilang tinikman ay ang “Spicy Sweet and Sour Strip” na nagkakahalaga ng P150, “Kraklets Jalapeño Cheese Kropek” na mabibili sa halagang P142, at “Dried Mango with Salt and Chili” na may presyong P239.
Ang pinakauna naman nilang sinubukan sa kategoryang matamis ay ang “Coated Strawberry” na kanilang nabili sa halagang P79, na ayon sa kanila ay tama ang lasa lalo pa’t kapag hinaluan ng matcha.
Nasubukan din ng dalawa ang “Mini Krunch” na mayroong Matcha flavor sa halagang P120, at Chocolate flavor naman sa halagang P10.
Nagkakahalaga naman ng P215 ang sikat na “Messy Cookies” na may Red Velvet at Mango Graham flavors.
Isa rin sa kanilang hindi pinalampas ay ang crowd-favorite “Milky Macapuno” na naka Buy 1, Take 2 sa halagang P109 lamang.
“May something sa mga matatamis na pagkain na parang once na nasimulan mo na siya, ayaw mo na siyang tigilan. Kaya hindi po ako masyadong kumakain ng matamis,” salaysay ni Dudut sa kabila ng pag-eenjoy sa iba’t ibang sweet snacks.
Ang pinakahuli naman nilang sinubukan ay ang “Wax Candy” sa halagang P199 na hindi nila masyadong nagustuhan dahil ayon kina Dudut at Clouie, ito’y mahirap kainin at mukhang delikado pa sa mga batang susubok.
Sa huli, pumili ang dalawa ng pinaka nagustuhan nila kung saan Fruit and Vegetable Chips ang nanaig para kay Dudut at Milky Macapuno naman ang bumida kay Clouie.
Watch the full vlog here:
Panibagong milestone ang ipinagdiwang ng pamilya Velasquez-Gaspar matapos ang transisyon ng panganay na si…
Sa kanilang pagbisita sa sementeryo noong Undas, nagsagawa ng kakaibang bonding activity ang Team Payaman…
Excited na ibinahagi ng Team Payaman vlogger na si Viy Cortez-Velasquez ang mga panibagong tagpo…
Hindi man mahilig sa basketball si Mavi, sinubukan pa rin niya ang naturang sport bilang…
In less than 50 days, Team Payaman Fair will once again open its doors for…
Halloween is often associated with costumes, colorful decorations, and a little bit of spooky fun.…
This website uses cookies.