Know How Las Piñas Beybladers X Reimagines Beyblading in 2025

Kamakailan, naging matagumpay ang kauna-unahang ‘Talpukan Tournament’ ng Las Piñas Beybladers X sa Robinsons Las Piñas, patunay na patuloy na lumalakas ang Beyblade community sa Pilipinas.

Sa panayam ng Viyline Media Group kay Jun Matthew Brecio, a.k.a “Matthaios”, isang Filipino singer-songwriter at founder ng LPBBX, ibinahagi niya kung paano nabuo ang grupo at ang lumalakas na kompetisyon ng larong ito sa bansa.

Building the Beyblade Scene

Bagama’t kilala sa larangan ng musika, matagal nang may hilig si Matthaios sa paglalaro ng Beyblade. 

Ayon sa kanya, nagsimula siyang maglaro ng Beyblade noong taong 2010 ngunit kalaunan ay natigil. Sa pagdating ng ika-apat na henerasyon ng Beyblade, muling nabuhay ang kanyang interes sa laro.

Sa muling pagyakap sa larong ito, napansin niyang marami pa rin ang aktibong naglalaro, kaya naisip niyang bumuo ng isang local community—ang Las Piñas Beybladers X.

Para sa LPBBX, hindi lang ito simpleng pampalipas-oras kundi isa ring kompetisyon. Sa kanilang tournaments, sinusunod nila ang Swiss format na may lima hanggang siyam na rounds, kung saan ang kalahati ng mga manlalaro ang uusad sa single elimination round.

Bagama’t matagal nang may Beyblade tournaments sa bansa, hindi alam ng karamihan na patuloy pa rin itong nabubuhay. 

Kuwento ni Matthaios, tulad niya, marami ang nag-aakalang wala ng mga aktibong manlalaro, pero sa tulong ng social media, unti-unting lumalawak muli ang interes ng mga tao sa nasabing laro.

Matapos ang matagumpay na Talpukan 1 sa Robinson’s Las Piñas, kasalukuyang pinaplano na ng grupo ang kanilang susunod na tournament, ang Talpukan 2

“We’re in the planning stage now ng Talpukan 2. ‘Yun ‘yung follow-up sa Talpukan 1 na ginanap namin sa Robinson’s Las Piñas. Magpo-post na lang kami sa [Facebook] page kung kailan ang sunod, pero sana 3 months from now, maybe? ‘Yun ang goal namin na date,” kwento ng LPBBX founder.

Payo pa ni Matthaios para sa mga interesadong sumali sa Beyblade community,  isang magandang simula ang pagsali sa Beyblade Philippines Facebook group. 

Sa grupong ito, maaaring magtanong at makahanap ng mga local community na madaling malapitan. Dagdag niya, maraming miyembro ang handang tumulong sa pagpili ng tamang Beyblade para sa mga baguhan.

Bagama’t karamihan ng mga manlalaro ay matatanda na, bukas din ito para sa mga bata. May Junior Category para sa mga 12 taong gulang pababa, na kung saan maaari rin silang sumali sa open category. 

How Team Payaman Helped Revive Beyblade

Ayon kay Matthaios, malaki ang naging papel ng Team Payaman members na sina Cong TV, Junnie Boy, Yow, Burong, Bok, Mentos, at GengGeng sa muling pagpapakilala ng Beyblade sa mas malawak na audience.

Dahil sa exposure mula sa kanilang vlogs, patuloy na lumalawak ang community at mas maraming bagong manlalaro ang naeengganyo na makilaro at sumali.

Bilang founder ng Las Piñas Beybladers X, nais ni Matthaios na ipakita sa sa dating mga manlalaro at bagong henerasyon na hindi kailanman nawala ang kultura ng paglalaro ng Beyblade sa Pilipinas. 

Angelica Sarte

Recent Posts

Tokyo Athena Serves Cuteness In Her Frozen-Themed Milestone Shoot

Para sa selebrasyon ng ikalawang buwan ng bunso nina Cong TV at Viy Cortez-Velasquez na…

14 hours ago

Zeinab Harake and Ray Parks’ Romantic Dubai Getaway Before Tying The Knot

Bago tuluyang ikasal ang power couple na sina Zeinab Harake at Ray Parks Jr., isang…

17 hours ago

Glow Back to School with TP Tints: Your New Everyday Must-Have

Heading back to school means early mornings, packed schedules, and seeing your friends every day…

2 days ago

Boss Keng Wins Praise from Netizens for Supporting Wife Through Motherhood

Tampok ngayon sa pinakabagong episode ng ‘Kwentuhan sa Veranda’ serye ni Pat Velasquez-Gaspar ang asawa…

2 days ago

Fun and Healthy Activities To Try According to Clouie Dims

Isa ngayon ang sports sa mga pinagkakaabalahan ng Team Payaman member na si Clouie Dims…

3 days ago

Goodbye Kevs: Is Kevin Hermosada Quitting Vlogging?

Maliban sa vlogging, mas aktibo ngayon ang Team Payaman editor-turned-vlogger na si Kevin Hermosada sa…

3 days ago

This website uses cookies.