Muling pinatunayan ng Team Payaman vlogger na si Vien Iligan-Velasquez na hindi lang siya isang ina, vlogger, at businesswoman, kundi isa rin siyang hands-on na boss!
Sa kanyang bagong vlog, sumabak siya pagiging isang “Pinoy Worker” sa kanilang sariling water station at laundry shop upang maranasan ang mga araw-araw na gawain ng kanyang mga empleyado.
Unang binisita ni Vien ang kanilang BeRich water station, kung saan natutunan niyang punan ng tubig ang mga lalagyan, magbuhat ng mabibigat na galon, at mag-deliver ng tubig sa kanilang mga customer.
Kwento ni Vien, bukod sa pagde-deliver ng tubig, isinasabay na rin nila ang pag-pick up at pag-deliver ng laundry para mas mapadali ang kanilang trabaho.
Matapos ang mabigat na gawain sa water station, sinubakan naman ni Vien ang ilan sa mga gawain sa kanilang laundry shop. Dito, sinubukan niyang maglaba at magtupi ng mga damit.
Inamin ni Vien na ramdam niya ang pressure bilang business owner. Bukod sa kita, iniisip din niya ang kapakanan ng kanyang mga empleyado.
Kwento niya, hindi man niya laging nakakasama ang kaniyang mga staff, laking pasasalamat niya na nandiyan ang kanyang Kuya na tumutulong sa pag-agapay at pag-relay sa kaniya ng concerns ng mga empleyado tungkol sa negosyo.
Sa kabila ng hamon ng pagiging isang “Pinoy Worker,” mas naunawaan ni Vien ang hirap ng trabaho ng kanyang mga empleyado. Ibinahagi niya kung paano niya mas pinapahalagahan ang tiyaga at sipag ng bawat manggagawang Pilipino.
“Kaya mataas ‘yung respeto ko sa kanila. Syempre, dahil nga kung wala naman sila, hindi namin mapapatakbo itong negosyo na ito,” ani Vien.
Payo ni Vien, dapat tayong maging mabait sa mga trabahador dahil hindi natin alam kung gaano kahirap ang ginagawa nila araw-araw.
Dahil dito, maraming netizens ang natuwa at humanga kay Vien sa kaniyang pagpapahalaga sa mga empleyado at pagsubok sa kanilang trabaho.
@marwincoline7342: “Ang sarap sa pakiramdam, as an office employee na kapag nagfifield work ka e na sinasabihan ka ng mga clients na “ma’am salamat kasi nakakapunta kayo dito sa amin kahit bukid na/bundok na”. Tama si Vien, let’s be kind kasi hindi natin alam ang mga pinagdadaanan ng bawat isa sa kabila ng mga ngiti at sayang ipinapakita ng bawat isa. 🙂 God Bless, Vien, and your family.”
@maepaulino2867: “Used to work as a washer and delivery sa isang refilling station grabe ung pagod double tlga basta babae, hnde kasi same ung strength natin sa mga lalaki. Everyday almost 100 gallons ung hinuhugas at inaalsa ko. Thank you Miss Vien for using this platform for pinoy workers! 122 sa balota! Definitely will vote for this!”
@kirsztele: “More blessings sa mga business nyo, ate Vien! Kayo naman mag-bbloom this 2025!”
Watch the full vlog below:
Matapos ang ilang buwang paghihintay, ibinahagi na ng content creator at actress na si Sachzna…
Isa na namang kakaibang lutuin ang hatid ni Jaime Marino de Guzman, a.k.a Dudut Lang,…
Muling kinagiliwan ng netizens ang Team Payaman mother-and-son duo na sina Mommy Viy Cortez-Velasquez…
Sa pinakabagong episode ng ‘Kags, Help,’ ipinakita ni Chino Liu, kung paano niya hinaharap ang…
Matapos ang kapana-panabik ngunit bitin na unang bahagi, nagbalik ang The Viyllage Show ng Team…
Isang makabuluhang araw ang September 9 para sa pamilya Velasquez-Gaspar matapos sabay na ipagdiwang ang…
This website uses cookies.