Usap-usapan ngayon ang much-awaited Pinoy Horror Film mula sa WeCamp Entertainment at Square One Studios na pinamagatang POSTMORTEM.
Alamin ang mga kaabang-abang na detalye sa pelikulang pinagbibidahan ng ilan sa mga kilalang personalidad, kasama na ang tambalang JaiGa na binubuo nina Jai Asuncion at Agassi Ching.
Much-Awaited Film
Kamakailan lang ay ginanap ang media press conference ng bagong pelikulang pagbibidahan ng mga personalidad gaya nina Alex Medina, Mike Lloren, Jennica Garcia, Jai Asuncion, Agassi Ching, Albert Nicolas, at Sachzna Laparan.
Bukod sa kanila, tampok din ang ilang miyembro ng Billionaire Gang at Team Payaman na sina Jaime de Guzman, a.k.a Dudut Lang, Clouie Dims, Steve Wijayawickrama, Burong Macacua, Yow Andrada, at Chino Liu.
Ang “Postmortem” ay sumailalim sa direksyon ni Tom Nava, at inaasahang lalabas ngayong March 19, 2025 sa lahat ng sinehan sa bansa.
Sa media conference ng pelikula, nagtipon ang ilan sa mga bida ng “Postmortem” na sina Jai, Agassi, at Alex, at nagbahagi ng kanilang mga karanasan tungkol sa kanilang bagong proyekto.
Grateful Hearts
Sa nasabing media conference, ibinahagi ni Jai ang galak na kanyang nararamdaman sa kauna-unahang niyang proyekto sa pag-arte. Binigyang-diin rin niya na bukas siyang tatanggap ng iba pang mga proyekto.
Ayon naman kay Aga, matagal na niyang pangarap na maging isang artista bago pa man siya maging isang vlogger.
“Ever since bata pa lang ako, gusto ko na maging artista,” aniya. Dagdag pa niya, gusto niya ring ipagpatuloy ang pagiging aktor kung mabibigyan ng pagkakataon.
Hindi rin nila naitago ang kanilang nararamdamang “pressure” dahil ito ang kanilang unang proyekto pagdating sa pag-arte.
Dagdag pa nila, ang pressure ay nanggagaling sa kanilang kauna-unahang pagbuo ng pelikulang mapapanood sa takilya, at ang pag-asang matugunan ang inaasahan ng kanilang mga taga-suporta.
Gayunpaman, ayon sa kanila’y nangingibabaw pa rin saya ng JaiGa sa naigng resulta ng kanilang pelikula, sa kanilang mga kasamahan sa cast, at lalo na sa kanilang direktor na si Tom Nava, na isa ring baguhan sa pagbuo ng full-length film.
“Sa sobrang daming mangyayari dito, talagang hanggang matapos ‘yung movie ay maghahanap pa kayo ng next [chapter] na agad,” ani Agassi.
Mark your calendars, mga Kapitbahay! Suportahan natin ang Team Payaman and Friends, at samahan silang tuklasin ang mga misteryo sa pelikulang POSTMORTEM simula ngayong March 19, 2025!
