Pinatunayan ng Team Payaman couples na hindi lamang tuwing Pebrero pwedeng ipakita ang iyong pagmamahal. Ayon sa mga ito, araw-araw nila itong ipinaparamdam sa kanilang mga mahal sa buhay.
Tunghayan ang natatanging love language, at ilan sa mga kilig-much moments ng ating paboritong Team Payaman Power Couples na sina Cong-Viy, Junnie-Vien, Keng-Pat, Kevin-Abi, at Dudut-Clouie.
Maliban sa mga YouTube vlogs nina Viy Cortez-Velasquez at Lincoln Velasquez, a.k.a Cong TV, masusubaybayan din natin ang kanilang buhay mag-asawa sa kani-kanilang Facebook posts.
Isang halimbawa na lamang ay ang appreciation post ni Viviys kay Cong para sa kanilang ika-sampung taong anibersaryo.
“Wala pa tayong isang buwan tinanong kita kung magtatagal ba tayo. Tumingin ka lang sakin. Ngayong taon, 10 years na tayo.. ‘Yung tingin mo pala na yun sisiguraduhin mo na hindi tayo maghihiwalay.. hindi mo ko niloko, hindi mo ko sinaktan, at pinaganda mo ang buhay natin.”
“Mag Valentine’s day ng nasa tamang tao. Eh ikaw?” saad nito sa kanyang Facebook post.
Ito ay isang klase ng love language na “Words of Affirmation” kung saan makakapag-paramdam ito ng pagpapahalaga, pagmamahal, at respeto sa pamamagitan ng mga positibong salita.
Words are indeed extra powerful and sweet!
Hindi naman nagpapatalo ang mag-asawang sina Pat Velasquez-Gaspar at Exekiel Christian Gaspar, a.k.a Boss Keng, pagdating sa pagbibigay ng regalo sa isa’t isa.
Kamakailan lang ay niregaluhan ni Boss Keng si Pat ng kaniyang inaasam na vlogging camera habang sila ay nagbabakasyon sa Japan.
Samantala, si Pat naman ay hindi rin nakakalimot sa pagbili ng magagarbong pasalubong kay Boss Keng sa tuwing magkalayo ang mga ito.
Tunay ngang iba rin ang kilig kapag naibibigay mo ang gusto ng minamahal mo, lalo kapag nakita mo sa kanilang reaksyon na gustong gusto nila ito.
Ito ang napatunayan ng mag-asawang Keng-Pat sa kanilang “giving gifts and receiving gifts” na love language.
Hindi maitatanggi na talaga namang sweet at clingy sina Vien Iligan-Velaquez at Marlon Velasquez Jr., a.k.a Junnie Boy, sa isa’t-isa.
Maliban sa mga YouTube vlogs ay kitang-kita rin ito sa mga bedroom cctv videos na binabahagi ni Vien sa kaniyang Facebook account.
Inamin din ng dalawa na ang pagtulog ng magkatabi ang isa sa naging pagsubok noong isinilang ang kanilang dalawang anak na sina Kuya Mavi at Viela.
Subalit, sa tuwing magkasama ay paniguradong nananaig pa rin ang love language na “physical touch” sa kanilang pagsasamahan.
Kilala para sa kanilang mga relatable married-life POV skits, ang mag-asawang sina Kevin at Abigail Campañano-Hermosada naman ay sinisugurong hindi mawawala ang kanilang quality time.
Makikita sa YouTube vlogs ng dalawa na madalas ginugugol nila ang kanilang oras nang magkasama sa content creation, adventure, o ‘di kaya ay sa pagiging abala sa kanilang baking business na Ti Babi’s Kitchen.
Bilang resident chef ng Team Payaman, si Jaime Marino de Guzman, a.k.a Dudut Lang, ay nagpapakita ng pagmamahal sa kaniyang nobyang si Clouie Dims sa pamamagitan ng pagluluto.
Ang pagluluto ay isa lang sa mga halimbawa ng “acts of service.” Para kay Dudut, pagluluto ang isa sa kanyang mga paraan upang maiparamdam kay Clouie ang kanyang pagmamahal.
Ang mga kwento ng Team Payaman Couples ay ilan lamang sa halimbawa ng love languages na maari niyo ring gawin at iparamdam sa inyong mga mahal sa buhay!
Ano ang kilig-much moment n’yo? Share n’yo na ‘yan! Happy Valentine’s Day, mga Kapitbahay!
Christmas and New Year, known as the season of giving, inspire many to search for…
As the New Year approaches, many Filipino families are seeking unique ways to make…
Matapos ang apat na taon, oras na para tuparin ni Ninong Ry ang kanyang pangako…
Para sa ikatlong episode ng ‘Tsuper Dad’ serye ni Marlon Velasquez Jr., a.k.a Junnie Boy,…
Sa nakaraang Christmas Party ng Team Payaman, hindi lang basta salu-salo ang naganap, nagkaroon din…
Isang kwela at full-of-adventure vlog ang hatid nina Viy Cortez-Velasquez at mister niyang si Lincoln…
This website uses cookies.