Sa likod ng tagumpay na nakamit ng social media star na si Malupiton ay ang kanyang nobya labis ang suporta sa karera nito.
Sa hinaba-haba ng prusisyon, sa simbahan pa rin ang tuloy ng relasyong binuo nina Malupiton at Joy matapos nitong ibigay ang kanyang matamis na “oo”.
Sa kanyang bagong YouTube vlog, ginulat ng social media comedian na si Malupiton, a.k.a Joel Ravanera ang mga manonood sa magandang balita.
Bago pa man hingin ni Joel ang mga palad ng nobya nitong si Joy, muli nitong binalikan ang tamis ng kanilang pagsasama bilang mag-nobyo ng sampung taon.
Isa sa mga katangian ni Joy na talagang nagpa-antig sa puso ni Joel ay ang pagkamaalalahanin nito pagdating sa kanya.
“Minsan, iiwanan n’ya ako ng pera sa bag ko or sa wallet ko. Kaya nga sabi ko [sa kanya], pag nagkaroon ako, bawi ako sa’yo!” emosyonal na kwento ni Joel.
Hindi pa man nakikilala si Joel sa mundo ng social media, labis na ang suportang ipinakita ni Joy sa kanyang nobyo.
Sa nasabing vlog, ipinasilip din ni Joel ang kanyang naging mga paghahanda para sa kanyang proposal.
Kwento ni Joel, halos isang buwan din ang inabot bago nito makuha ang ipina-customize na singsing para sa nobya.
“Sana magustuhan n’ya, and sana, mag-yes siya!” hiling niya.
Upang mas lalong maging espesyal ang kanyang proposal, minabuti ni Joel na magpo-propose habang sila ay namamasyal sa Taiwan.
Una munang nagpalipad ng lantern ang grupo nina Joel dala ang kanilang mga isinulat na kahilingan sa isang sikat na tourist spot sa nasabing bansa.
Matapos paliparin ang lantern, agad na lumuhod si Joel sa harap ni Joy bitbit ang singsing na handog nito para sa nobya.
“Sa’yo na si Malupiton! Forever! Will you marry me?” hirit ni Joel.
Hindi na napigilang maging emosyonal ni Joy nang hingin na ni Joel ang kanyang palad, dahilan upang ibigay nito ang kanyang matamis na “Oo”.
Inulan naman ng mga pagbati mula sa kanyang mga taga-suporta ang nasabing vlog matapos matunghayan ang isa sa hindi malilimutang tagpo sa kanyang buhay.
@makayobabstv9230: “Boss na pa luha ako habang naka ngiti congrats boss”
@markchristiandeguzman-wi8eg: “Congratss Kuyaaa! Lupit mo!”
@KuyaKeebs: “Alam ko na hashtag sa kasal nyo – #KUPALagi Congrats, Mr & Mrs Malupiton (soon to be)”
@fuyumi30: “Congrats boss!!! Naiyak ako sa proposal mo hahahaha”
Watch the full vlog below:
Getting through school mornings can be challenging for both children and parents. Young learners often…
Hindi lang ang ganda ng dagat ang nasaksihan ng Team Payaman sa kanilang bakasyon sa…
Isang panibagong content na naman ang hatid ni Viy sa kanyang latest vlog kung saan…
Matapos ibida ang kanilang Taiwan travel diaries, sunod naman ipinasilip ng Team Payaman member na…
Masayang ibinahagi ng Team Payaman vlogger na si Vien Iligan-Velasquez ang mga tagpo sa kanyang…
Sama-samang humarap sa ‘Cashier Picks Card’ challenge ang mga vloggers na sina Viy Cortez-Velasquez, Zeinab…
This website uses cookies.