Velasquez-Gaspar Family Sees Second Baby For The First Time Through 3D Ultrasound

Isang makulay na kabanata ang ibinahagi ng Velasquez-Gaspar Family sa pinakabagong YouTube vlog ni Mommy Pat Velasquez-Gaspar.

Sa video, matutunghayan ang isang heartwarming bonding moment habang ipinakikilala ang bagong miyembro ng kanilang pamilya sa pamamagitan ng 3D ultrasound.

Hello, Ading!

Sa vlog, makikita ang saya at excitement nina Mommy Pat at Daddy Boss Keng habang sabay nilang inaasahan ang unang pagkikita ng kanilang unico hijo na si Isla at ang kaniyang bagong kapatid.

 “I’m meeting Ading!” wika nila, habang excited para kay Isla boy.

Ayon kay Mommy Pat, bagamat alam ni Isla na ang tinutukoy nilang “Ading” ay nasa tiyan pa lang, hindi pa niya lubos na nauunawaan na mayroon na siyang kapatid na paparating.

Pagdating sa klinika, naging maayos ang buong proseso ng 3D ultrasound. Lahat ay sabik na makita ang itsura ng kanilang bagong baby boy. 

Mini-Boss Keng

Nang makita na nila ang unang larawan ng kanilang anak, emosyonal ang mag-asawa sa tuwa.

“Ang saya saya ko… sobrang cute!” ani ni Mommy Pat habang tinitingnan ang kanilang bagong baby.

“Hala, kamukha mo [Keng]… [Dalawang] mini Boss Keng! Medyo masakit sakit sa ulo ata ‘yun, ah?” dagdag na biro pa ni Mommy Pat.

Patriel

Ibinahagi rin ng mag-asawa Pat at Keng na “Patriel” din ang magiging second name ng kanilang second baby bilang pag-alala at pagsasama ng kanilang mga pangalan. 

“Lahat ng baby namin may Patriel… kasi combination ng pangalan namin,” pagpapaliwanag nila.

Watch the full vlog here: