Bago matapos ang 2024, isang biyaya ang natanggap ng mag-nobyong Rana Harake at Antonio Enriquez.
Tunghayan ang nakakaantig na pregnancy announcement ng nakababatang kapatid ni Zeinab Harake.
Sa kanyang bagong vlog, ginulat ng 23-anyos na vlogger na si Rana Harake ang mga manonood sa kanyang magandang balita.
Ibinalita nito ang 20-weeks na pagbubuntis nito sa pangalawang supling nila ng nobyong si Antonio Enriquez II.
Isang emosyonal na video announcement ang handog nito sa kanyang mga manonood, kung saan ibinahagi rin nito ang reaksyon sa kanilang pagbubuntis.
Isa rin sa mga ibinahagi ng mag nobyo ang mga naging paghahanda sa pangalawang pagbubuntis ni Rana.
Mula sa pregnancy cravings hanggang sa kanyang mood swings, tila kabisado na ni Tonyo ang kanyang nobya.
“Ngayong pregnancy ko, hindi ka nahihirapan?” tanong ni Rana.
“Hindi ako nahihirapan,” sagot nito.
Ikwinento ng dalawa na planado ang kanilang pagbubuntis dahil limang taon na ang tanda ng kanilang panganay na si Niesha.
“Actually, pinipilit ko talaga s’ya nung saktong five years old na si Niesha. Gusto ko nang mag-anak, gusto ko nang sundan si Niesha,” kwento ni Rana.
Naging bukas ang mag-asawa sa reyalidad na hirap pa ang mga ito na ihanda ang kanilang panganay sa pagdating ng kanilang bunso.
Nang tanungin si Neisha, nais aniya nitong magkaroon naman ng lalaking kapatid.
“Baby boy, wow! He wants a baby brother!” reaksyon ng excited mommy.
Nang una nitong ipinahatid ang balita sa kanyang pamilya, hindi maitago ng mga ito ang saya pagbubuntis ni Rana.
“Seryoso? Congrats, congrats, congrats!” reaksyon ng kanyang Kuya Sam.
“Wow! Wow!” buong tuwang sambit ng kanyang ama.
Kaagapay din ni Rana ang kanyang Ate Zeinab sa kanyang pagbubuntis na nagpahatid ng kanyang suporta para sa nakababatang kapatid.
“Wala akong kasangga sa buhay kung hindi si Ate. Si ate lang kasi ‘yung nakaka-alam lang talaga ng pregnancy ko,” kwento ni Rana.
Ipinahatid naman ng ilan sa mga malalapit na kaibigan at taga-suporta nina Rana ang kanilang pagbati sa pagdating ng kanilang baby number 2.
@KyoQuijano: “So happy for you both bff kong clingy! Can’t wait sa bago nating baby!”
@ZeinabHarakeVlogs: “I love you guys!”
@lantisespiritu: “Finally, it’s out! Congrats, Enriquez family!”
@Itsmelissaenriquez: “Congrats, Ru!”
@ConconFelix: “Yay, baby number two! Ate na si Niesha!”
@dwisieee: “‘Yung reaction ng papa nila, napaka genuine. Tapos, kitang kita pagiging supportive ni Zeinab. Congratulations to Mama Rana and to the family Enriquez!”
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.