Sa kanyang bagong vlog na pinamagatang “Ang Kasal ng Doctor ng Team Payaman,” ibinahagi ang vlogger at TP Friends na si Doc Alvin Francisco ng ilang tips para sa mga nagbabalak ikasal.
Sinimulan ni Doc Alvin ang vlog sa pagbabahagi ng kanyang sariling karanasan sa kasal niya kamakailan sa kanyang long-term girlfriend at fiance na si Doc Maki Bondoc.
“Ma-apply ko na finally ang aking mga tips para sa mas matagal na pagsasama,” ani Doc Alvin.
Kwento ni Doc Alvin, tila naging sobrang babaw at putol-putol ang kanyang tulog, sa kabila ng pag inom ng sleepings aids, sa gabi bago ang kasal.
Isa sa kanyang tip na ibinahagi ay ang pagkuha ng wedding coordinator upang makabawas sa isipin ng parehong bride at groom.
Isa pa sa tip na ibinahagi ni Doc Alvin ay ang pagsasaalang-alang ng distansya ng simbahan at reception venue na aniya hangga’t maari ay magkalapit lang.
Ikinasal sina Doc Alvin at Doc Maki sa Shrine of St. Therese Church sa Newport, Pasay at ang reception naman ay ginanap sa Marriott Hotel na halos dalawang minuto lamang ang layo.
Para naman sa cocktail hour sa reception, siguraduhin aniya na punuin ito ng samu’t saring food cart at aktibidad na maaring maging daan para sa mga bisita upang makipaghalubilo at makakuha ng mga litrato habang naghihintay.
Isa rin sa naging paborito niyang parte sa kasal ay ang kanilang grand entrance at first dance bilang mag-asawa.
Malaking bagay daw hindi maging kuripot para dito at talagang mag-invest sa pagkuha ng choreographer sapagkat aniya ay iba ang personal at dahan-dahang nakakapagturo kumpara sa pag-aaral lamang ng ilang steps sa YouTube.
Dagdag pa ni Doc Alvin ay laking tuwa sa kanyang puso na naging matagumpay ang pinaghandaan niyang surpresa para sa kanyang asawa na imbitahin ang paborito nitong OPM band na Dionela.
Nagpaabot din naman ng pasasalamat si Doc Alvin sa Kim Torres Events, ang kanilang coordinator, pati sa kanilang mga wedding suppliers.
“Sobrang gaan niyo po katrabaho and sobrang ganda po ng mga services na ibinigay and ibinahagi niyo sa amin,” mensahe ni Doc Alvin.
Tinapos din ni Doc Alvin ang kanyang vlog sa pamamagitan ng pagpapa abot ng taos-pusong mensahe para sa lahat ng dumalo sa kanilang kasal.
“Big shoutout sa mga sumuporta sa aming wedding, sa mga nagpunta, sa aming mga ninong, ninang, Team Payaman, sa aming mga coordinators, list of suppliers, thank you so much po and sana nag-enjoy kayo!”
Watch the full vlog here:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.