Ginulat ng Team Payaman content creator na si Dudut Lang ang kaniyang followers matapos ianunsyo na kabilang siya sa pinakabagong cooking show ng ng GMA Public Affairs na “Lutong Bahay.”
Isa rin ba kayo sa mga excited nang makita si Dudut inyong mga TV screen araw-araw?
Lutong Bahay
Sa isang Facebook post ng “Lutong Bahay: Recipes of Success,” ipinakilala ng GMA ang bagong aabangang cooking show sa telebisyon.
Kasabay nito ay ipinakilala rin ng nasabing palabas sa publiko ang mga host, kabilang ang aktres na si Mikee Quintos. Makakasasama niya rito ang mga Chef vloggers na sina Chef Hazel at Chef Ylyt na kapwa kilala dahil sa kanilang mga nakakatakam na cooking content sa TikTok.
Present din sa nasabing palabas ang pambato at resident cook ng Team Payaman na si Jaime Marino de Guzman, a.k.a Dudut Lang, na hindi rin magpapahuli sa kanyang mga cooking vlogs at reels.
Simula sa October 28, 2024, mapapanood na ang “Lutong Bahay” sa GTV tuwing 5:45 ng hapon, mula Lunes hanggang Biyernes.
We’re Proud of You, Dudut!
Samantala, ibinahagi naman ng pambato ng Team Payaman ang kanyang pasasalamat na mapabilang nasa pinakabagong cooking show ng GMA.
“Salamat sa tiwala, pinpangako kong ipapakita lahat ng luto na napanood ko sa internet HAHAHA charot happy to serve,” biro ni Dudut Lang.
“SALAMAT SA MGA NANIWALA AT SA HINDI NANINIWALA MAHAL KO KAYONG LAHAT!” dagdag pa nito.
Hindi na bago kay Dudut Lang ang pagluluto dahil hindi lingid sa kaalaman nang lahat, unang napabilang si Dudut sa Team Payaman nang mag-volunteer itong maging resident cook ng grupo noong sila ay tumira sa iisang bahay na tinawag nilang “Payamansion.”
Matapos mapasama sa mga vlogs ni Cong TV at iba pang Team Payaman, minahal na rin ng fans si Dudut Lang dahilan upang gumawa ito ng sariling YouTube channel na tinangkilik naman ng publiko.
Sa nasabing channel madalas ipinamamalas ni Dudut ang kanyang talento sa pagluluto sa kanyang online segment na “Dudut’s Kitchen.” Madalas ding nagbabahagi si Dudut ng mga cooking tips sa kanyang mga cooking content sa TikTok.
Samantala, ipinahatid naman ng Team Payaman ang kanilang all out support para sa bagong proyekto ni Dudut Lang.
“Yey!!! Proud of you!” komento ng long-time girlfriend ni Dudut Lang na si Clouie Dims.
“Proud of you, bes,” dagdag naman ng kaibigan at kapwa Team Payaman member na si Kevin Hufana.
I-follow lang ang official Facebook page ng “Lutong Bahay: Recipes of Success” para maging updated sa mga latest episode kasama si Dudut Lang.
