Viy Cortez-Velasquez and Zeinab Harake Look Back on Their Humble Beginnings

Isa sa mga nagpatibay ng samahan nina Viy Cortez-Velasquez at Zeinab Harake ay ang pagkakaibigan nito sa likod at harap ng camera.

Tunghayan ang pagbabalik-tanaw ng dalawa sa mga tinitingalang vloggers sa bansa sa kanilang mga pinagmulan bago makamit ang kanilang mga pangarap.

Good Old Times

Sa pinakabagong episode ng Offbeat series sa YouTube channel ni Viy Cortez-Velasquez, tampok ang 25-anyos na vlogger na si Zeinab Harake.

Lingid sa kaalaman ng iba, noon pa man ay magkaibigan na si Zeinab at Viviys bago pa tuluyang makilala sa mundo ng social media.

“Hindi nila alam na 2018 [palang] na wala kang vlog, magkaibigan na tayo hanggang sa ngayon 2024, ngayon lang tayo nag-collab ng normal,” kwento ni Viviys.

Ayon sa dalawa, bukod sa kanilang night-out bonding, hilig din ng mga ito ang pagfo-food trip at pagtambay sa Congdo.

A Fruitful Future

Matapos balikan ang kanilang mga humble beginnings, hindi na rin napigilan ng dalawa na ikwento ang katotohanan sa pag-abot ng kani-kanilang mga pangarap.

“Parang dati lang, nag-iinom tayo parang hindi natin alam kung san tayo [papunta], ano bang future natin,” ani Zeinab.

Nagsilbi rin anilang inspirasyon ang kani-kanilang mga partner sa pag-abot ng kanilang mga pangarap.

“Kapag sobrang lupit ng partner mo, para hindi ka mapag-iwanan, kailangan mo ring galingan sa career na tinatahak mo,” ani Viviys.

Ani Zeinab, sa likod ng kanyang matagumpay na karera bilang isang content creator, malaki ang naging papel ng fiancé nitong si Ray Parks sa kanyang tagumpay.

“Para sa akin, kapag parehas kayong may pangarap, go!” aniya. 

“Sobrang nakakatuwa na kapag ang partner mo ay malupit, kailangan mo ring maging masipag,” kwento ni Viy.

“Kaya tuwang-tuwa talaga ako na ngayon ay happy ka na,” mensahe ni Viviys kay Zeinab.

Watch the full vlog below: