Ipinasilip ng Team Payaman content creator na si Clouie Dims ang kanilang adventure sa Bangkok, Thailand, kasama ang pamilya ng kanyang nobyo na si Jaime Marino de Guzman, a.k.a Dudut Lang.
Sa bagong travel vlog ni Clouie ay nagbahagi siya ng mga pangunahing lugar na maaaring puntahan at aktibidad na maaaring gawin ng mga nagnanais bumisita sa nasabing bansa.
Maalalang nitong nakaraang Pebrero lamang ay bumisita si Clouie sa Thailand kasama ang ilang miyembro ng Team Payaman Wild Cats. Ngunit kabaligtaran ng napakainit na klima noon, ngayon ay sinalubong sila ng maulang panahon.
Isa na sa kanilang binista ay ang The Ancient City o Muang Boran sa Samut, Prakan, Thailand.
Kwento ni Clouie, ito ay tinagurian bilang “World’s Largest Outdoor Museum” sapagkat ito ay binubuo ng halos dalawang ektarya ang laki na kasinghugis ng Thailand.
Dagdag ni Clouie, maaari naman itong ikutin sa pamamagitan ng paghiram ng golf cart o bike, at maaari rin namang lakarin, ngunit hindi aniya ito kakayanin ng isang buong araw.
Kahit umaambon o inabot ng gutom, tila “A very beautiful place” na lang ang nasambit na review ni Dudut sa nasabing lugar.
Matapos maglibot sa isang Ghost Museum at magpakabusog sa lunch buffet, ang isa pang lugar na kanilang binisita sa Samut, Prakan ay ang Erawan Museum.
Isa sa mga sa sikat na dinadayo ng mga turista sa lugar na ito ay ang “Purnaghata.” Dito ginagawa ang pagbubuhos at pagpapalutang ng isang mangkok ng bulaklak o ng lotus bowl na sumisimbolo sa pagpapayabong ng buhay.
Ginagawa ito kasabay ng pagsisindi ng kandila, pagpapatunong ng kampana, at taimtim na pagdadasal na higit na epektibo para sa mga turistang may mga hinihiling o ninanais makamit sa buhay.
Huli naman sa ibinahagi ni Clouie ay ang karanasan nila sa Bangkok Elephant Park sa Krathum Rai, Nong Chok, Bangkok, Thailand.
Dito ay naranasan nilang magsuot ng Thailand outfit at boots. Naranasan din nilang gumawa ng sikat na produktong inhaler sa bansa, at maghanda ng pagkain ng mga elepante.
Bukod dito, nakipagkulitan at nakipagsayawan din sila sa mga elepante sa lugar, at sinubukan ding paliguan ang mga ito.
Abangan ang susunod pang mga kabanata ng kanilang Thailand trip sa YouTube channel ni Clouie.
Watch the full vlog here:
Kakaibang Halloween special ang ibinahagi ng Team Payaman squad sa bagong vlog ni Clouie Dims. …
This article is sponsored by Salveo Barley Grass. There are a few more weeks to…
Dalawang taon na ang nakalipas mula noong ipinanganak ng Team Payaman power couple na sina…
Hindi na maitatanggi na punong-puno ng saya at pagmamahal ang Pamilya Cortez-Velasquez. Naririto ang ilan…
Matapos ang home-schooling kasama ang ibang Team Payaman kids, sasabak naman ngayon si Kidlat sa…
Bilang bahagi ng pagdiriwang ng Feast of Our Lady of the Rosary tuwing Oktubre, isinasagawa…
This website uses cookies.