Nagbahagi ng “medyo seryosong usapan” tungkol sa buhay magulang ang ToRo Family head na si Mommy Toni Fowler sa bagong YouTube vlog ng kanyang nobyo na si Vince Flores o mas kilala bilang si Tito Vince.
Gamit ang mga tanong sa couple card games, sinamantala ng dalawang hindi makatulog sa madaling araw upang pag-usapan ang halos walong buwan na pagbubuntis at apat na taon nilang relasyon.
Isa sa tanong na kanilang sinagot ay ang mga “non negotiable values” na nais nilang sanayin sa kanilang magiging dalawang anak.
Para kay Toni, layunin niyang makapagtapos ng pag-aaral ang kanilang mga anak kahit anong mangyari. Bagamat may ibang magulang na sapat nang makapagtapos hanggang high school ang kanilang anak, magpupursigi aniya silang maitawid ang mga ito hanggang kolehiyo.
Dagdag pa niya ay ang pagbibigay ng angkop na suporta at kalayaan sa tuwing may mga programa sa paaralan gaya ng field trip o ‘di kaya ay outing kasama ang mga kaibigan, ngunit hindi nila ito papayagan mag overnight hangga’t hindi pa ito nasa tamang edad.
Isa rin sa napagkasunduan ng dalawa ay ang paglalaan ng angkop na screentime o tamang oras ng paggamit ng gadget lalo’t higit habang bata pa.
Pagdating naman sa pagpasok ng relasyon ay napagkasunduan din ng dalawa na papayag lang sila pag ang mga ito ay nagkatrabaho na.
Isa pa sa tanong na kanilang nasagot ay kung ano ang natutunan nila sa buhay bilang mga magulang.
Para kay Toni, ang pagiging ina ay tila nakapagbigay sa kanya ng “purpose” o layunin sa buhay.
“What if the meaning of life is not just to be happy, but to feel all, everything. To feel the pain, the sacrifice, the fun, the enjoyment. Lahat ‘yun naramdaman ko nung nagka Tyronia, nagka purpose,” ani Mommy Oni.
Samantala, para naman kay Tito Vince, natutunan niya na mas panindigan ang mga salitang lumalabas sa kanyang bibig pati na rin ang mga aksyong kanyang ginagawa at ipinapakita sa mga anak.
“Practice what you preach.”
Watch the full vlog here:
Katatawanan at unli food trip ang hatid ng mag-inang Viy Cortez-Velasquez at Zeus Emmanuel Velasquez,…
We’re just a few weeks away from the holiday season, have you planned your dazzling…
Sa bagong episode ng Makeup Sessions Season 2, tampok sa vlog ni Michelle Dy ang…
Sa ikalawang bahagi ng kaniyang ‘Spoiling Buntis’ YouTube serye, inimbitahan ng vlogger na si Zeinab…
Following the successful wave of the TEAM PYMN Cap Collection, Cong Clothing is back with…
Hindi maitago ang pagkatuwa ng Team Payaman power couple na sina Vien Iligan-Velasquez at Marlon…
This website uses cookies.