Patuloy na dumadami ang mga tagasuporta at tagapanood ng mag-asawang Whamos Cruz at Antonette Gail sa iba’t ibang social media platforms.
Pero sa likod ng mga nakakatuwang content ay ang reyalidad kung saan nakatatanggap sila ng iba’t ibang klase ng bashing online. Alamin kung pano nila ito taas noong hinaharap at nalampasan.
Sa pinakabagong vlog ni Agassi Ching, inimbitahan nito ang mag-asawang Whamos Cruz at Antonette Gail sa isang Q&A mukbang upang mas lalo pa ito makilala ng kanilang mga manonood.
Isa sa mga nais malaman ni Aga ay kung paano nalagpasan ng mag-asawang Whamos at Antonette ang kaliwa’t-kanang pangbabatikos na natanggap online.
“May mga times na nagkakaroon kayo ng issue ‘di ba? Paano n’yo tinatanggap ‘yun at ano ‘yung take n’yo d’un?” tanong ni Aga.
Una nang isinaad ni Whamos na hindi naging madali sa kanila na makarinig ng mga isyung nakikita nila online na walang katotohanan.
“Ang pinaka mas masakit sa amin ‘yung maniniwala ‘yung mga tao [sa] hindi naman totoo. Hindi ako masasaktan kung ‘yung kumakalat na issue [ay] totoo,” aniya Whamos.
Inamin din nito na minsan na siyang pumatol sa mga bashers lalo na’t walang katotohanan ang mga ibinabatong issue.
“Labas pasok na lang sa tenga [‘yung issue]. Hinahayaan na lang namin pero minsan rume-rebutt ako kapag talagang masasakit na ‘yung nararamdaman namin,” dagdag pa nito.
Ipinahatid din ni Whamos ang kanyang pasasalamat sa mga tunay na nagmamahal at sumusuporta sa kanyang pamilya.
“Thank you sa patuloy na pagsuporta sa amin ni Antonette. Sa mga basher, ‘di na mawawala ‘yan! Maraming salamat pa din dahil kahit basher namin kayo, nanonood pa rin kayo sa’min.”
Matapos mapanood ang nasabing Q&A, maraming mga manonood ang nagpahatid ng mga mensaheng nakapagpapalubag-loob para kina Whamos at Antonette.
@eyrodriguez: “Godbless po sa inyong tatlo! Sana mas sipagan nyo pa mag upload ng mga vlogs nyo para mas marami pa kayong mapasayang tao. Wag isipin ang mga bashers, ipagpatuloy nyo lang ang ginagawa nyo hanggat wala kayong tinatapakan na tao.”
@Teamkulet_Vlog: “Tama po si kuya whamos ang dami daming gumagawa ng fake account nila tapos mang sscam ng mga taong nagmamahal sa kanila.”
Watch the full vlog below:
Para sa selebrasyon ng ikalawang buwan ng bunso nina Cong TV at Viy Cortez-Velasquez na…
Bago tuluyang ikasal ang power couple na sina Zeinab Harake at Ray Parks Jr., isang…
Heading back to school means early mornings, packed schedules, and seeing your friends every day…
Tampok ngayon sa pinakabagong episode ng ‘Kwentuhan sa Veranda’ serye ni Pat Velasquez-Gaspar ang asawa…
Isa ngayon ang sports sa mga pinagkakaabalahan ng Team Payaman member na si Clouie Dims…
Maliban sa vlogging, mas aktibo ngayon ang Team Payaman editor-turned-vlogger na si Kevin Hermosada sa…
This website uses cookies.