Clouie Dims Tests Team Payaman’s Taste Buds With ‘Guess the Chicken Challenge’

Isang masayang hamon na naman ang hatid ngayon ng Team Payaman vlogger na si Clouie Dims na sumubok sa panlasa ng ilang kapwa nito Team Payaman members. 

Sa kaniyang bagong vlog, hinamon ni Clouie sina Steve Wijayawickrama, Coach JM Macariola, Carlos Magnata, a.k.a Bok, at Jaime de Guzman, a.k.a Dudut Lang, sa isang “Guess the Chicken Challenge.”

Hinati ni Clouie ang apat sa dalawang grupo kung saan magkakampi sina Bok at Dudut laban kina Steve at Coach JM. 

Guess the Chicken Challenge

Simple lang ang mechanics ng laro, kailangan mahulaan ng bawat grupo kung anong brand ng manok ang ihahain sa kanila ni Clouie Dims. Maari nilang amuyin at tikman ang mga manok habang nakapiring ang kanilang mga mata. 

Ang mananalo sa nasabing challenge ay ililibre ni Clouie ng hapunan sa mapipili niyang restaurant. 

Unang inihain ni Clouie ang paboritong Jollibee Chicken Joy ng mga Pinoy. Pagkalapag palang at pagkaamoy sa mga manok ay nabigay agad ng dalawang grupo ang tamang sagot. 

Sunod na pinatikim ang chicken mula sa Greenwich na pakiramdam ni Clouie ay mahirap hulaan.

“Mukhang mahihirapan sila dito!” ani Clouie. 

Nakuha nina Dudut at Bok ang puntos sa round na ito, at maging sa sumunod na manok mula sa McDonalds. 

Nakapuntos naman sina Steve at Coach JM nang mahulaan ang manok mula sa Uncle John’s at Popeyes. 

Nakuha naman ng parehong grupo ang puntos sa mga manok mula sa Chowking, Bon Chon, at Bok’s.

Pero patuloy na lumamang ang grupo nina Dudut at Bok matapos tumama ang hula sa mga manok muka sa KFC at Andoks. 

Final Round

Dahil malaki ang lamang nina Dudut at Bok, napagdesisyunan ni Clouie na bigyan ng sampung puntos ang makakahula sa huling manok na kanyang ihahain. 

Dito na nagtagumpay ang grupo nina Steve at Coach JM matapos mahulaan ang manok mula sa 24 Chicken. 

“Para tayong nag-bilyar tapos sila yung humulog ng 8 ball!” pagkadismaya ni Dudut Lang.

Watch the full vlog below: