Walong buwan na ang nakakalipas nang mawala ni Pat Velasquez-Gaspar ang wedding at engagement ring nila ni Boss Keng.
Bago pa man lumipad papuntang Riyadh kasama ang ilang Team Payaman boys, isang surpresa ang hatid ni Pat kay Boss Keng.
Sa bagong vlog ni Pat Velasquez-Gaspar, ipinasilip nito ang ilan sa mga tagpo bago umalis ng bansa ang asawa nitong si Exekiel Christian Gaspar, a.k.a Boss Keng, kasama ang ilang Team Payaman members.
Una tinanong ni Pat kung ano nga ba ang balak gawin nina Boss Keng pagkadating sa Riyadh.
“May pupuntahan kaming work dun. Work ‘yun, work,” paliwanag ni Boss Keng.
Bilang pabaon sa kanyang byahe, isang regalo ang hatid ni Mommy Pat para sa kanyang asawa.
“Mayroon kasi akong regalo sayo para maalala mo kami ni Isla sa Riyadh,” ani Pat.
Isang kumikinang na bracelet ang unang inihandog ni Pat sa kanyang mister na pwede nitong gamitin sa pagporma sa Riyadh.
Bukod dito, isa pang regalo ang gumulat kay Boss Keng nang iabot na ng kanyang maybahay na si Pat.
“Ngayon, ito naman ‘yung gift namin ni Isla Boy. Sana magustuhan mo at maalala mo kami,” dagdag ni Pat.
“Ay! Nakita mo na!” laking gulat ni Boss Keng.
Matapos ang walong buwan, muling nahanap ni Pat ang nawawala nitong wedding at engagement ring.
“Saan mo nakita?” unang tanong ni Boss Keng.
Sagot naman ni Pat: “Sa bag ni mama!”
Kwento ni Pat, nawala sa isip nito na nagpatago siya ng kanyang wedding at engagement ring sa kanyang ina noong sila ay bumyahe pa-Japan.
Kwento pa ni Pat, minsan pa itong nagpa-challenge sa kanyang mga kasamahan sa bahay na kung sino man ang makakahanap ng kanyang mga singsing ay bibigyan niya ng P60,000.
“P60k na, nawala pa!” biro ni Sonny J.
Nangako si Pat kay Boss Keng na kailanma’y hindi na nito huhubarin ang kanyang mga singsing upang hindi na ito mawala.
Bilang pasasalamat ni Pat sa kanyang ina, ang P60,000 na pabuya ay ibibigay niya rito bilang panggrocery ng mga kakailanganin sa kanilang bahay.
Gaya nina Boss Keng, laking tuwa rin ng ibang Team Payaman girls nang malamang nahanap na ni Pat ang kanyang mga singsing.
“Sister! San mo nakita?” laking tuwa ni Vien Iligan-Velasquez
“Waaaah! Nakita mo?! Saan?” nakakatuwang reaksyon ni Viy Cortez-Velasquez
Watch the full vlog below:
Ever since its release, VIYLine Cosmetics Lip Slay has received the love it deserves from…
Sa likod ng tagumpay na nakamit ng social media star na si Malupiton ay ang…
Tough Mama is known for its durable, reliable, and affordable home appliances, making it a…
Kamakailan lang ay ginanap ang garden wedding ng Team Payaman members na sina Burong at…
In this technological age, digital signage is vital in delivering dynamic messages and information to…
Having a healthy lifestyle doesn’t just start with adults alone; even kids can now embark…
This website uses cookies.