Cong TV and Malupiton Respond to Netizens’ Request For Them to Collaborate in One Content

Noon pa man ay kaliwa’t-kanan na ang hiling ng netizens na magsama sa isang vlog ang mga batikang content creator na sina Cong TV at Malupiton. Matutupad na kaya ang collaboration na inaabangan ng kanilang fans?

Cong TV x Malupiton

Sa isa sa kaniyang mga livestream episode sa YouTube, sinagot ni Lincoln Velasquez, a.k.a Cong TV, ang hirit ng mga netizen na magcollab sila ng TikToker na si Joel Ravanera, a.k.a Malupiton.

Si Malupiton ay kabilang din sa grupo ng mga content creators na Kolokoys TV na minsan ng nakasama ng Team Payaman sa nagdaang Team Payaman Fair noong December 2023. 

Pero para kay Cong, tila mahirap ka-collab ang nasabing content creator dahil sa galing nitong magpatawa. Baka hindi aniya siya makasabay sa mga ad-lib nito. 

Inamin din ng legendary YouTube vlogger na isa si Malupiton sa mga pinapanood niya dahil tuwang tuwa siya rito. 

“Nakakatawa talaga si Malupiton, sila nila Dominic, mga tropa niya. Sa mga hindi pa nakakanood sa kaniya, panoorin niyo… sobrang laughtrip ng grupong ‘yan.”

Napanood naman ni Malupiton ang nasabing video at inaming halos maiyak siya sa tuwa sa sinabi ni Cong TV sa kaniya at sa kanilang grupo. 

“Alam mo yung nakangiti ka tapos umiiyak ka? Para kang nanalo ng gold medalist, ganun ang pakiramdam,” ani Malupiton sa isang TikTok video.

“Noong napanood ko ‘yun, umiyak ako… umiyak talaga ko, parang hindi ko namalayan na tumulo yung luha ko. Parang na-feel ko na okay pala yung ginagawa namin, nakakapagpasaya kami, may nakaka-appreciate ng ginagawa namin, may natutuwa, name-mention pa kami ni Boss Cong,” dagdag pa nito. 

Collab?

Ayon kay Joel Ravanera, ni minsan ay hindi niya tinangka na yayain si Cong TV para mag collab dahil nahihiya aniya siya rito. Pero hindi rin naman siya tatanggi kung sakaling ang idolo na mismo ang lumapit sa kaniya. 

“Gusto ko yung panahon mismo ang mag-aadya na magsama kami, hindi ko siya minamadali,” dagdag pa nito. 

Samantala, tila dininig naman ng langit ang hiling ng netizens dahil kamakailan lang sa kaniyang livestream ay tinawagan ni Cong TV si Malupiton ay niyaya itong sumama sa isa sa kanilang mga lives episodes. 

Bilang parte ng misyon ni Cong TV na hanapan ng katambal ang kaniyang kaibigan at kapwa Team Payaman member na si Carlos Magnata, a.k.a Bok, niyaya nito si Malupiton na tulungan silang maghanap ng posibleng makapareha ni Bok. 

“Baka pwede tayong mag-set, may araw na pwede kang sumama sa’min, para mapakilala mo kami kung sino man dyan, baka lang may kilala ka!” ani Cong. 

Kaya naman manatiling nakatutok sa YouTube channel ni Cong TV at abangan ang kaniyang mga livestream.