Kevin Hermosada Bravely Asks Netizens To Critic His Recent Vlog

Apat na buwan ang iginugol ng Team Payaman vlogger na si Kevin Hermosada sa kanyang house renovation vlog.

Bukod sa intensyon nitong makapagbigay ng impormasyon kung posible nga bang makapagpaayos ng bahay sa halagang P100,000, layunin din nitong pagbutihin ang pagbuo ng vlogs sa tulong ng kanyang mga manonood.

100K Renovation Project

Kamakailan lang ay ipinasilip ng mag-asawang Kevin Hermosada at Abigail Campañano-Hermosada ang kanilang bagong tahanan.

Hindi ito pangkaraniwang “house renovation” vlog dahil hatid ni Kevin ang ilan sa mga paraan kung paano ito nakatipid sa pagpapaayos ng bahay.

Aniya, isang daang libo ang kanilang budget sa pagpapagawa at pagbili ng mga kagamitan kaya naman naging hamon talaga ito para sa kanilang mag-asawa.

Kaliwa’t-kanan ang pakikipagusap, pamimili, at pagbabantay sa kanilang proyektong bahay upang masiguro ang kalidad at kagandahan nito.

Sa kabutihang palad, naisakatuparan ng mag-asawa ang kanilang pangarap na modernong disenyo ng tahanan sa murang halaga.

Room for Improvement

Bukod sa pagpapasilip ng kanilang bagong bahay, ninanais rin ni Kevin na malaman ang saloobin ng kanyang mga manonood hinggil sa kanyang vlog.

Sa kanyang isang Facebook reel, matapang nitong hiningi ang komento at ilang suhestiyon ng kanyang mga manonood pagdating sa bagong istilo nito sa paggawa ng content.

“Gumawa kasi ako ng vlog and four months ‘yung process nito [paggawa ng video]” bungad ni Kevin.

Bagamat dinagsa na ng mga positibong komentong mula sa kanyang mga manonood, muling naghahangad ang Team Payaman vlogger ng mga detalyadong puna pagdating sa kanyang pag-eedit at istilo ng pagva-vlog.

“Sa loob ng four years na pagiging vlogger, feeling ko, I’m still learning. Feeling ko, you guys are the key na maging isang legend na vlogger ako,” ani Kevin.

Hinikayat ni Kevin ang kanyang mga manonood na mag-iwan ng mga komentong sa tingin ng mga manonood ay maari pag pagbutihin sa nasabing vlog.

“So kung may oras ka sa akin, watch this vlog and leave a comment kung ano pa ang pwede kong i-improve” hiling nito.

Watch the full video below:

@kevinherss

Ikaw! Alam ko MATALINO ka. Kaya i-share mo na yang thoughts mo. Sabi nga ni Dustin Henderson sa Stranger Things.. “PAKITA MO KUNG SINO KA”. LINK sa BIO ko.✅🙈😘 #kevinhers #kevabi #fypシ゚viral #fypシ #vlog

♬ original sound – KevinHers – KevinHers

Likes:
0 0
Views:
85
Article Categories:
VIYLINE ENTERTAINMENT NEWS

Leave a Reply

Your email address will not be published. Required fields are marked *